ന്യൂഫിന്ലന്ഡിലെ കണ്സെപ്ഷന് ബേ സൗത്ത് (സി.ബി.എസ്) പട്ടണത്തില് ജലക്ഷാമം രൂക്ഷമായതിനെത്തുടര്ന്ന് അടിയന്തരാവസ്ഥ പ്രഖ്യാപിച്ചു. ഏകദേശം 27,000 ആളുകള് താമസിക്കുന്ന ഈ പട്ടണത്തില് ചൊവ്വാഴ്ച വൈകുന്നേരത്തോടെ കുടിവെള്ളം പൂര്ണ്ണമായും തീര്ന്നതായി മേയര് ഡാരിന് ബെന്റ് അറിയിച്ചു. ജലവിതരണ സംവിധാനത്തിലെ തകരാറാണ് ജലവിതരണം നിലയ്ക്കാന് കാരണം. ഇതേ തുടര്ന്ന്, അടിയന്തര ആവശ്യങ്ങള്ക്കല്ലാതെ വെള്ളം ഉപയോഗിക്കരുതെന്ന് അധികൃതര് നിര്ദേശം നല്കി. എല്ലാ വ്യാപാര സ്ഥാപനങ്ങളും അടച്ചുപൂട്ടാനും ആവശ്യപ്പെട്ടിട്ടുണ്ട്. ബുധനാഴ്ച തുറക്കേണ്ടിയിരുന്ന സ്കൂളുകള് അടച്ചിടാനും തീരുമാനിച്ചു.
താല്ക്കാലികമായി വെള്ളം ലഭ്യമാക്കാന് സമീപ പട്ടണങ്ങളില് നിന്നും അഗ്നിശമന സേനയുടെ സഹായത്തോടെ വാട്ടര് ടാങ്കറുകള് തയ്യാറാക്കിയിട്ടുണ്ട്. അമ്പത് വര്ഷത്തോളം പഴക്കമുള്ള പൈപ്പ് ലൈനിലാണ് ചോര്ച്ച ഉണ്ടായത്.
