ലാത്വിയയിലെത്തിയ പ്രധാനമന്ത്രി മാർക്ക് കാർണി സൈനികരെ സന്ദർശിച്ചു. റഷ്യൻ ആക്രമണങ്ങളെ തടയുന്നതിനായി യൂറോപ്പിന്റെ കിഴക്കൻ മേഖലയിൽ വിവിധ രാജ്യങ്ങളിൽ നിന്നുള്ള സൈനികരെ വിന്യസിച്ചിട്ടുള്ള ദൗത്യമായ ഓപ്പറേഷൻ റീഅഷ്വറൻസിന്റെ ഭാഗമായായിരുന്നു സന്ദർശനം. യുക്രെയ്ൻ യുദ്ധത്തിന്റെ പശ്ചാത്തലത്തിൽ ഈ ദൗത്യത്തിന്റെ പ്രാധാന്യം വർധിച്ചതായി സൈനികരെ അഭിസംബോധന ചെയ്ത് സംസാരിക്കവേ മാർക്ക് കാർണി പറഞ്ഞു. ഓപ്പറേഷൻ റീഅഷ്വറൻസ് 2029 വരെ മൂന്ന് വർഷത്തേക്ക് കൂടി നീട്ടുമെന്നും അദ്ദേഹം അറിയിച്ചു.
2,000 കനേഡിയൻ സൈനികരാണ് ഈ ഏറ്റവും വലിയ വിദേശ സൈനിക ദൗത്യത്തിലുള്ളത്. കാനഡയാണ് ഓപ്പറേഷൻ റീഅഷ്വറൻസിന് നേതൃത്വം നൽകുന്നത്. സൈനിക ബേസിലെ സൗകര്യങ്ങൾ സന്ദർശിച്ച പ്രധാനമന്ത്രിക്ക്, ഡ്രോണുകളുടെയും, ടാങ്കുകളുടെയും മറ്റ് ഉപകരണങ്ങളുടെയും ഉപയോഗം സൈനികർ വിശദീകരിച്ചു.
