ഒകനാഗൻ: ഗ്യാസ് ലാഭിക്കാൻ അമിതവേഗം വാഹനമോടിച്ച എഡ്മന്റൺ സ്വദേശി ഒകനാഗനിൽ അറസ്റ്റിലായി. ഓഗസ്റ്റ് 16നാണ് സംഭവം. ഹൈവേ 97 സിയിലെ 100 കിലോമീറ്റർ മേഖലയിലൂടെ മണിക്കൂറിൽ 136 കിലോമീറ്റർ വേഗതയിൽ മിനി വാൻ ഓടിച്ച 36കാരനാണ് പിടിയിലായതെന്ന് ബീസി ഹൈവേ പട്രോൾ അറിയിച്ചു.

അമിതവേഗതയിൽ വാഹനമോടിക്കുന്നത് ശ്രദ്ധയിൽപ്പെട്ട ഉദ്യോഗസ്ഥർ വാഹനം തടഞ്ഞുനിർത്തിയപ്പോൾ ഗ്യാസ് തീരാറായെന്നും അതിനാൽ അവശേഷിക്കുന്ന ഗ്യാസ് ലാഭിക്കാനായി അമിതവേഗതയിൽ വാഹനമോടിക്കുകയായിരുന്നുവെന്നും ഡ്രൈവർ പറഞ്ഞു. എട്ട് സീറ്റുകളുള്ള മിനിവാനിൽ ഒമ്പത് പേരുണ്ടായിരുന്നുവെന്നും ഉദ്യോഗസ്ഥർ പറഞ്ഞു. ഇവരിൽ ഏഴ് പേർ സീറ്റ് ബെൽറ്റ് ധരിച്ചിരുന്നില്ല. ഒരാൾ ഇരുന്നത് കാർ സീറ്റിലാണ്. അതിൽ സീറ്റിൽ ബക്കിളുകൾ ഉണ്ടായിരുന്നില്ലെന്നും പോലീസ് പറഞ്ഞു. വാനിൽ ഒരു കുട്ടിയുമുണ്ടായിരുന്നു.

അമിതവേഗത, സീറ്റ് ബെൽറ്റ് ധരിക്കാതെ യാത്ര ചെയ്യുക, കുട്ടിയെ കൃത്യമായി വാഹനത്തിൽ ഇരിത്താതെ യാത്ര ചെയ്യുക തുടങ്ങിയ കുറ്റങ്ങൾ ചുമത്തി. ഡ്രൈവർക്ക് ഏകദേശം 500 ഡോളർ പിഴ ചുമത്തിയിട്ടുണ്ട്. സീറ്റ് ബെൽറ്റ് ധരിക്കാത്തതിന് ബക്കിൾ അഴിച്ചുമാറ്റിയ മൂന്ന് യാത്രക്കാർക്കും പിഴ ഈടാക്കിയിട്ടുണ്ട്. കൂടാതെ, മിനിവാനിലേക്ക് ഇന്ധനം നിറച്ച ഒരു ജെറി കാൻ കൊണ്ടുവരാനും അധിക യാത്രക്കാരനെ കൊണ്ടുപോകാനും ഡ്രൈവർക്ക് ടാക്‌സി ചാർജ് നൽകേണ്ടി വന്നു.