ഇന്ത്യ ആസ്ഥാനമായി പ്രവര്ത്തിക്കുന്ന ലോറന്സ് ബിഷ്ണോയി സംഘത്തെ തീവ്രവാദ സംഘടനയായി പ്രഖ്യാപിക്കണമെന്ന് ബ്രാംപ്ടണ് മേയര് പാട്രിക് ബ്രൗണ്. ബിഷ്ണോയി സംഘം പീല് മേഖലയില് വേരുറപ്പിച്ചിട്ടുണ്ടെന്നും നിരവധി ക്രിമിനല് പ്രവര്ത്തനങ്ങളുമായി ബന്ധമുണ്ടെന്നും പാട്രിക് ബ്രൗണ് പറയുന്നു.
ലോറന്സ് ബിഷ്ണോയിയുടെ നേതൃത്വത്തിലുള്ള സംഘത്തിന് 700 അംഗങ്ങളുടെ ആഗോള ശൃംഖലയുണ്ടെന്നും പീലിലും മറ്റ് പ്രദേശങ്ങളിലുമുള്ള ദുര്ബലരായ ആളുകളെ സജീവമായി റിക്രൂട്ട് ചെയ്യുന്നുണ്ടെന്നും പാട്രിക് ബ്രൗണ് പറയുന്നു. കാനഡയിലുടനീളം ക്രിമിനല് പ്രവര്ത്തനങ്ങള്ക്ക് ലോറന്സ് ബിഷ്ണോയി നേതൃത്വം നല്കുന്നുണ്ടെന്നും ബ്രാംപ്ടണ് മേയര് ആരോപിക്കുന്നു.
ബിഷ്ണോയി സംഘത്തിനെതിരെ നടപടി സ്വീകരിക്കണമെന്ന് ബ്രിട്ടിഷ് കൊളംബിയ പ്രീമിയര് ഡേവിഡ് എബി ബുധനാഴ്ച ആവശ്യപ്പെട്ടിരുന്നു. ഇന്ത്യയില് ജയിലില് കഴിയുന്ന ലോറന്സ് ബിഷ്ണോയിയുടെ സംഘം, ഇന്ത്യന് സെലിബ്രിറ്റികള്ക്കും ബിസിനസുകാര്ക്കും നേരെയുള്ള ഭീഷണിപ്പെടുത്തല് ഉള്പ്പെടെയുള്ള നിരവധി ക്രിമിനല് കേസുകളില് ആരോപണംനേരിടുന്നുണ്ട്.
