കുടിയേറ്റ പ്രക്ഷോഭം കൂടുതലിടങ്ങളിലേക്കു വ്യാപിക്കുന്നതിനിടെ, 200 മറീന്‍ സേനാംഗങ്ങളെ നഗരത്തിലെത്തിച്ച് യുഎസ് പ്രസിഡന്റ് ഡോണള്‍ഡ് ട്രംപ്. ട്രംപ് ഭരണകൂടത്തിന്റെ കുടിയേറ്റവിരുദ്ധ നടപടികളില്‍ പ്രതിഷേധിച്ചു തെരുവിലിറങ്ങിയവര്‍ നടത്തിയേക്കാവുന്ന അക്രമങ്ങളില്‍നിന്ന് ഫെഡറല്‍ സര്‍ക്കാര്‍ സ്ഥാപനങ്ങളെ സംരക്ഷിക്കുന്നതിനാണ് നടപടി. കുടിയേറ്റക്കാര്‍ക്കിടയില്‍ പരിശോധന നടത്തുന്ന ഫെഡറല്‍ ഉദ്യോഗസ്ഥര്‍ക്ക് സുരക്ഷയൊരുക്കി നാഷനല്‍ ഗാര്‍ഡ് സേനാംഗങ്ങള്‍ നേരത്തേ തന്നെ രംഗത്തുണ്ട്.
ഇതിനിടെ, നാഷനല്‍ ഗാര്‍ഡ് വിന്യാസം തടഞ്ഞുള്ള കോടതി ഉത്തരവ് സ്റ്റേ ചെയ്ത അപ്പീല്‍ കോടതി നടപടിയില്‍ ട്രംപ് നന്ദി രേഖപ്പെടുത്തി. ലൊസാഞ്ചലസില്‍ സേനയെ ഇറക്കിയില്ലായിരുന്നുവെങ്കില്‍ നഗരം ഇപ്പോഴേയ്ക്കും കത്തിച്ചാമ്പലായേനെ എന്നും അമേരിക്കന്‍ പ്രസിഡന്റ് പറഞ്ഞു. ട്രംപ് വിരുദ്ധ ‘നോ കിങ്‌സ്’ റാലികള്‍ യുഎസിലെ ഭൂരിഭാഗം ഇടങ്ങളിലും വ്യാപിച്ചു കഴിഞ്ഞു.
