ഫോര്‍മുല 1 ഗ്രാന്‍ഡ് പ്രിക്‌സിന് ആതിഥേയത്വം വഹിക്കുന്ന മണ്‍ട്രിയോളിലെ റോഡുകളില്‍ വലിയ ഗതാഗതക്കുരുക്ക് അനുഭവപ്പെടാന്‍ സാധ്യതയുണ്ടെന്ന് മുന്നറിയിപ്പ്. ബോണവെഞ്ചര്‍ എക്‌സ്പ്രസ് വേ ഒഴിവാക്കാനും പൊതുഗതാഗതത്തെ ആശ്രയിക്കാനും സിറ്റി അധികൃതര്‍ വാഹനയാത്രക്കാരോട് നിര്‍ദ്ദേശിച്ചു.
മത്സരങ്ങള്‍ നടക്കുന്ന ഐല്‍ നോട്രെ-ഡാമിലേക്ക് ആളുകള്‍ എത്തുന്നത് കാരണം, ജാക്വസ്-കാര്‍ട്ടിയര്‍, സാമുവല്‍-ഡി-ചാംപ്ലെയ്ന്‍ പാലങ്ങളില്‍ തിരക്ക് പ്രതീക്ഷിക്കുന്നുണ്ട്. പിയറി-ഡ്യൂപൂയ് സ്ട്രീറ്റ് അടച്ചിടുന്നതിനാല്‍ അംഗീകൃതമല്ലാത്ത വാഹനങ്ങള്‍ക്ക് ഗ്രാന്‍ഡ് പ്രി സൈറ്റിലേക്ക് നേരിട്ട് പ്രവേശനം ലഭിക്കില്ലെന്നും അധികൃതര്‍ വ്യക്തമാക്കി.
മണ്‍ട്രിയോള്‍ സൗത്ത് ഷോറില്‍ നിന്ന് വരുന്ന ഡ്രൈവര്‍മാര്‍ക്ക് റൂട്ട് 132-ലും കാലതാമസം നേരിടാന്‍ സാധ്യതയുണ്ട്. ബെറി-UQAM അല്ലെങ്കില്‍ ലോംഗ്യൂയില്‍ സ്റ്റേഷനുകളില്‍ നിന്നുള്ള യെല്ലോ ലൈന്‍ മെട്രോ ഉപയോഗിച്ച് ഗ്രാന്‍ഡ് പ്രി സൈറ്റില്‍ എത്താന്‍ ശ്രദ്ധിക്കണമെന്നും അധികൃതര്‍ ശുപാര്‍ശചെയ്യുന്നു.
