കാനഡയിലേക്ക് കുടിയേറാൻ ആഗ്രഹിക്കുന്ന ഉദ്യോഗാർത്ഥികൾക്ക് പ്രതീക്ഷയേകി എക്സ്പ്രസ് എൻട്രി നറുക്കെടുപ്പ് പുനഃരാരംഭിച്ച് ഇമിഗ്രേഷൻ, റെഫ്യൂജീസ് ആൻഡ് സിറ്റിസൺഷിപ്പ് കാനഡ (IRCC). മെയ് മാസത്തിന് ശേഷം നടന്ന ഈ നറുക്കെടുപ്പിൽ പ്രൊവിൻഷ്യൽ നോമിനി പ്രോഗ്രാം (PNP) ഉദ്യോഗാർത്ഥികളെയാണ് പരിഗണിച്ചത്. ഈ നറുക്കെടുപ്പിൽ പ്രവിശ്യാ നോമിനി പ്രോഗ്രാം വിഭാഗത്തിന് കീഴിൽ സ്ഥിര താമസത്തിന് അപേക്ഷിക്കാൻ 955 ഉദ്യോഗാർത്ഥികൾക്ക് IRCC ഇൻവിറ്റേഷൻ നൽകി. കൂടാതെ കോംപ്രിഹെൻസീവ് റാങ്കിംഗ് സിസ്റ്റം സ്കോർ 730 ഉള്ള അപേക്ഷകർക്കാണ് ഇൻവിറ്റേഷൻ നൽകിയത്.
ഈ വർഷത്തെ 31-ാമത്തെ എക്സ്പ്രസ് എൻട്രി നറുക്കെടുപ്പാണ് ഇന്ന് നടന്നത്. ഈ വർഷം ഇതുവരെ വിവിധ വിഭാഗങ്ങളിലായി മൊത്തം 80,796 അപേക്ഷകർക്ക് കാനഡ ഇൻവിറ്റേഷൻ നൽകിയിട്ടുണ്ട്. ഇതിൽ പ്രൊവിൻഷ്യൽ നോമിനി പ്രോഗ്രാമിലൂടെ മാത്രം ഈ വർഷം ഇതുവരെ 5,405 പേർക്ക് അവസരം ലഭിച്ചു.
