ഇന്ത്യന്‍ സിനിമയില്‍, വിശേഷിച്ച് തെന്നിന്ത്യന്‍ സിനിമയില്‍ റീ റിലീസുകള്‍ ട്രെന്‍ഡ് ആയിട്ട് കുറച്ചു കാലമായി. അതില്‍ത്തന്നെ രജനികാന്ത് ചിത്രങ്ങളാണ് തെന്നിന്ത്യയില്‍ നിന്ന് ഒരുപക്ഷേ ഏറ്റവുമധികം തവണ സമീപ വര്‍ഷങ്ങളില്‍ റീ റിലീസ് ചെയ്യപ്പെട്ടത്. ഇപ്പോഴിതാ മറ്റൊരു രജനി ചിത്രം കൂടി തിയറ്ററുകളിലേക്ക് വീണ്ടും എത്തുകയാണ്. രജനികാന്തിനൊപ്പം മമ്മൂട്ടിയും പ്രധാന കഥാപാത്രങ്ങളെ അവതരിപ്പിച്ച്, മണി രത്നം രചനയും സംവിധാനവും നിര്‍വ്വഹിച്ച് 1991 ല്‍ പുറത്തെത്തിയ ദളപതി എന്ന ചിത്രമാണ് തിയറ്ററുകളിലേക്ക് വീണ്ടും എത്തുന്നത്.
