മണ്‍ട്രിയോള്‍ : കെബെക്കിന്റെ പടിഞ്ഞാറന്‍ മേഖലകളില്‍ കാട്ടുതീ പടരാനുള്ള സാധ്യത കൂടുതലാണെന്ന് റിപ്പോര്‍ട്ട്. ഈ പ്രദേശങ്ങളിലുള്ളവര്‍ പുറത്തിറങ്ങി പ്രവര്‍ത്തനങ്ങളില്‍ ഏര്‍പ്പെടുമ്പോള്‍ ജാഗ്രത പാലിക്കണമെന്ന് വനസംരക്ഷണ സൊസൈറ്റി (SOPFEU) മുന്നറിയിപ്പ് നല്‍കി. ഇത് മാലിന്യം കത്തിക്കാനുള്ള സമയമല്ലെന്നും SOPFEU ശനിയാഴ്ച രാവിലെ ഫേസ്ബുക്ക് പേജില്‍ പ്രസിദ്ധീകരിച്ച പ്രസ്താവനയില്‍ പറയുന്നു.
വസന്തകാലത്ത്, ഉണങ്ങിയ ഇലകളും ചില്ലകളും മറ്റ് അവശിഷ്ടങ്ങളും നിറഞ്ഞ ഇടങ്ങളില്‍ പെട്ടെന്ന് തീപിടിക്കാന്‍ സാധ്യതയുണ്ടെന്നും ഏജന്‍സി ഓര്‍മ്മിപ്പിക്കുന്നു. ഈ വാരാന്ത്യത്തില്‍ അബിറ്റിബി, ലോറന്‍ഷ്യന്‍സ് എന്നിവിടങ്ങളിലും ലനൗഡിയര്‍, മൗറിസി മേഖലകളിലും പ്രത്യേക ശ്രദ്ധ വേണം എന്നും അറിയിപ്പില്‍ പറയുന്നു.
