പ്രധാനമന്ത്രി മാർക്ക് കാർണി യുഎസ് പ്രസിഡന്റ് ഡോണൾഡ് ട്രംപുമായി മെയ് 6 ചൊവ്വാഴ്ച വാഷിംഗ്ടൺ ഡിസിയിൽ കൂടിക്കാഴ്ച നടത്തും. ഇരുവരുടെയും ആദ്യ കൂടികാഴ്ച്ചയാണിത്. കാനഡയ്‌ക്കെതിരായ ട്രംപിന്റെ വ്യാപാര യുദ്ധത്തെക്കുറിച്ച് ഇരുവരും ചർച്ച ചെയ്യും. കൂടാതെ യുഎസുമായുള്ള പുതിയ വ്യാപാര, സുരക്ഷാ കരാറിനെക്കുറിച്ചുള്ള ചർച്ചകൾക്ക് ഈ കൂടിക്കാഴ്ച വേദിയൊരുക്കിയേക്കാം.
അമേരിക്കയുമായുള്ള വ്യാപാര സംഘർഷങ്ങൾ പരിഹരിക്കുന്നതിനുള്ള നീക്കം ഉടനടി ആരംഭിക്കുമെന്നും ചൊവ്വാഴ്ച യുഎസ് പ്രസിഡന്റ് ഡോണൾഡ് ട്രംപുമായി ഫോണിൽ സംഭാഷണം നടത്തിയതായും മാർക്ക് കാർണി പറഞ്ഞു. പിന്നാലെയാണ് ചൊവ്വാഴ്ച ട്രംപുമായി കൂടിക്കാഴ്ച നടത്തുമെന്ന് വ്യക്തമാക്കിയത്.
