വാഷിങ്ടന്: ഹാര്വാര്ഡ് സര്വകലാശാലയില് വിദേശവിദ്യാര്ഥികളെ പ്രവേശിപ്പിക്കുന്നത് തടയാനുള്ള നീക്കവുമായി ട്രംപ് ഭരണകൂടം. വൈറ്റ് ഹൗസ് ഉത്തരവിട്ട പുതിയ നയമാറ്റങ്ങള് അംഗീകരിക്കാന് വിസമ്മതിച്ചതിനു പിന്നാലെ കടുത്ത നിയന്ത്രണങ്ങളാണ് ട്രംപ്ഭരണകൂടം ഹാര്വാര്ഡ് സര്വകലാശാലയ്ക്കെതിരെ കൊണ്ടുവന്നത്.
നിര്ദേശങ്ങള് പാലിച്ചില്ലെങ്കില് ഹാര്വാര്ഡിന്റെ നികുതിയിളവ് പദവി പിന്വലിക്കുമെന്നായിരുന്നു ട്രംപിന്റെ ഭീഷണി. പിന്നാലെ 2.2 ബില്യണ് ഡോളറിന്റെ ഫെഡറല് ഫണ്ടിങ് മരവിപ്പിക്കുകയും ചെയ്തിരുന്നു. ഇതിന്റെ തുടര്ച്ചയായാണ് അടുത്ത ഭീഷണി. സര്വകലാശാലയിലെ വിദ്യാര്ഥികളുടെ നിയമ ലംഘനങ്ങളുടെയും വിദ്യാര്ഥികളുള്പ്പെട്ട അക്രമസംഭവങ്ങളുടെയും വിവരങ്ങള് ഏപ്രില് 30-നകം നല്കണമെന്നാണ് നിര്ദ്ദേശം. ഇതിന് തയ്യാറല്ലെങ്കില് വിദേശ വിദ്യാര്ഥികള്ക്ക് സര്വകലാശാലയില് പ്രവേശനം നല്കാന് അനുവാദമുണ്ടാകില്ലെന്നും ഹോം ലാന്ഡ് സെക്യൂരിറ്റി സെക്രട്ടറി ക്രിസ്റ്റി നോം അയച്ച കത്തില്പറയുന്നു.
