ഇന്ത്യന്‍ വിദേശകാര്യ മന്ത്രി എസ്. ജയ് ശങ്കര്‍ ഇന്ന് യു.എസ് സെക്രട്ടറി മാര്‍ക്കോ റൂബിയോയുമായി ന്യൂയോര്‍ക്കില്‍ കൂടിക്കാഴ്ച നടത്തും. ഇന്ത്യന്‍ സമയം വൈകുന്നേരം എട്ടിനാണ് കൂടിക്കാഴ്ച. റഷ്യന്‍ എണ്ണ വാങ്ങുന്നതിനെച്ചൊല്ലി ഇന്ത്യന്‍ ഉല്‍പ്പന്നങ്ങള്‍ക്ക് അമേരിക്ക 50% നികുതി വര്‍ധിപ്പിച്ചതിന് ശേഷമുള്ള ആദ്യ കൂടിക്കാഴ്ചയാണിത്. ഈ വര്‍ഷം ജയശങ്കറും മാര്‍ക്കോ റൂബിയോയും തമ്മിലുള്ള മൂന്നാമത്തെ കൂടിക്കാഴ്ചയാണിത്. ജനുവരിയില്‍ ക്വാഡ് വിദേശകാര്യ മന്ത്രിമാരുടെ യോഗത്തില്‍ പങ്കെടുക്കാന്‍ വാഷിംഗ്ടണിലെത്തിയ ജയശങ്കര്‍, റൂബിയോ ചുമതലയേറ്റതിന് ശേഷം ദിവസങ്ങള്‍ക്കുള്ളില്‍ തന്നെ കൂടിക്കാഴ്ച നടത്തിയിരുന്നു. ജൂലൈയില്‍ വാഷിംഗ്ടണില്‍ നടന്ന രണ്ടാമത്തെ ക്വാഡ് യോഗത്തിലും ഇരുവരും വീണ്ടും കണ്ടുമുട്ടി.
നിലവില്‍ നടന്നുകൊണ്ടിരിക്കുന്ന ഇന്ത്യ-യുഎസ് വ്യാപാര ചര്‍ച്ചകള്‍ക്കിടയിലാണ് ഇന്നത്തെ കൂടിക്കാഴ്ച. വ്യാുപാര ചര്‍ച്ചകള്‍ക്ക് നേതൃത്വം നല്‍കുന്നതിനായി കേന്ദ്ര വാണിജ്യ മന്ത്രി പീയുഷ് ഗോയലും യു.എസിലുണ്ട്. ഇന്ത്യയുമായി വ്യാപാരക്കരാറിലേര്‍പ്പെടുന്നതില്‍ ട്രംപ് ശുഭാപ്തി വിശ്വാസം പ്രകടിപ്പിച്ചിരുന്നു. വ്യാപാര ചര്‍ച്ച ഇന്ത്യ-യുഎസ് പങ്കാളിത്തത്തില്‍ അനന്ത സാധ്യതകള്‍ തുറക്കുമെന്ന് നരേന്ദ്രമോദി പ്രതികരിച്ചത്.
