‘ഹൃദയപൂര്‍വം’ സിനിമ കാണാന്‍ കുടുംബത്തോടൊപ്പം ന്യൂ ബ്രണ്‍സ്‌വികിലെ എഎംസി തിയറ്ററിലെത്തി മോഹന്‍ലാലും കുടുംബവും. ഭാര്യ സുചിത്ര മോഹൻലാലിനൊപ്പമാണ് താരം സിനിമ കാണാനെത്തിയത്. ആർപ്പുവിളികളോടെയാണ് തങ്ങളുടെ പ്രിയതാരത്തെ ആരാധകർ സ്വീകരിച്ചത്. സിനിമ കണ്ട ശേഷം ഏവർക്കും സ്നേഹാശംസകൾ നൽകിയ ശേഷമാണ് മോഹൻലാൽ മടങ്ങിയത്.
അതേസമയം മികച്ച പ്രതികരണമാണ് ചിത്രത്തിനു ലഭിക്കുന്നത്. ഇന്ത്യയില്‍ മാത്രം ചിത്രം 3.35 കോടി നെറ്റ് കളക്ഷനായി ആദ്യദിനം നേടിയതായി റിപ്പോർട്ടുകൾ സൂചിപ്പിക്കുന്നു. വിദേശത്തും ചിത്രത്തിനു വൻവരവേൽപ്പാണ് ലഭിക്കുന്നത്.
