സെന്ട്രല് ഗാസയിലെ സഹായവിതരണകേന്ദ്രത്തിലേക്ക് വീണ്ടും ആക്രമണം നടത്തി ഇസ്രയേല്. വെള്ളിയാഴ്ച രണ്ടിടത്തായുണ്ടായ വ്യോമാക്രമണത്തില് 34 പേര് കൊല്ലപ്പെട്ടതായി പലസ്തീന് മാധ്യമങ്ങള് റിപ്പോര്ട്ട് ചെയ്തു. നിരവധിപേര്ക്ക് പരുക്കേറ്റു.
അല് ഷൊഹദ ജങ്ഷന് സമീപം നടന്ന ആക്രമണത്തില് 23പേരും അല്-മ-അസരയിലുണ്ടായ ആക്രമണത്തില് 11 പേരും കൊല്ലപ്പെട്ടതായാണ് റിപ്പോര്ട്ടുകള്. വ്യാഴാഴ്ച ഇസ്രയേല് വ്യോമാക്രമണത്തില് ?ഗാസ മുനമ്പിന്റെ വിവിധ ഭാഗങ്ങളിലായി 69 പേര് കൊല്ലപ്പെട്ടിരുന്നു. ഗാസ സിറ്റിക്ക് പടിഞ്ഞാറ് അല് ഷാതി അഭയാര്ഥി ക്യാമ്പില് ടെന്റ് കെട്ടി താമസിച്ചിരുന്നവരുടെ ഇടയിലേക്ക് ബോംബിട്ടു. മൂന്നു കുട്ടികളടക്കം 12 പേര് കൊല്ലപ്പെട്ടു. നിരവധി പേര്ക്ക് പരുക്കേറ്റു. ഖാന് യൂനിസില് ഭക്ഷണത്തിനായി സഹായകേന്ദ്രത്തിനു മുന്നില് കാത്തുനിന്നവര്ക്കുനേരെയും ഇസ്രയേല് സൈന്യം വ്യോമാക്രമണം നടത്തി.
