ഹോർമുസ് കടലിടുക്കിൽ (Strait of Hormuz) വെച്ച് തങ്ങളുടെ ഡ്രോണുകൾ അമേരിക്കൻ സൈന്യം തകർത്തതിന് പ്രതികാരമായി ഇറാൻ രാത്രി വൈകി കുവൈറ്റിന് നേരെ ബാലിസ്റ്റിക് മിസൈൽ തൊടുത്തു. ഇറാന്റെ ഈ നടപടിയെ ‘ഗുരുതരമായ വെടിനിർത്തൽ ലംഘനം’ (egregious ceasefire violation) എന്നാണ് അമേരിക്ക വിശേഷിപ്പിച്ചത്.
ഈസ്റ്റേൺ ടൈം (ET) ബുധനാഴ്ച രാത്രി 10:17-നാണ് ബാലിസ്റ്റിക് മിസൈൽ തൊടുത്തത്. എന്നാൽ കുവൈറ്റ് സൈന്യം ഇത് വിജയകരമായി പ്രതിരോധിച്ചു (intercepted) എന്ന് യുഎസ് സെൻട്രൽ കമാൻഡ് (CENTCOM) അറിയിച്ചു. ഇറാന്റെ ഡ്രോണുകൾ വെടിവെച്ചിടാനുള്ള യുഎസ് സൈന്യത്തിന്റെ ദൗത്യം വിജയകരമായിരുന്നുവെന്നും സെന്റകോം കൂട്ടിചേർത്തു.
“ഹോർമുസ് കടലിടുക്കിലും അതിനടുത്തും വ്യക്തമായ ഭീഷണി ഉയർത്തിക്കൊണ്ട് ഇറാൻ സൈന്യം അഞ്ച് വൺ-വേ അറ്റാക്ക് ഡ്രോണുകൾ (one-way attack drones) അയച്ചതിന് മണിക്കൂറുകൾക്ക് ശേഷമാണ് ഇറാൻ ഭരണകൂടത്തിന്റെ ഭാഗത്തുനിന്നും ഈ ഗുരുതരമായ വെടിനിർത്തൽ ലംഘനം ഉണ്ടായത്,” യുഎസ് സെൻട്രൽ കമാൻഡ് വ്യാഴാഴ്ച സോഷ്യൽ മീഡിയയിൽ പുറത്തുവിട്ട പ്രസ്താവനയിൽ പറഞ്ഞു.
