ബ്രിട്ടീഷ് കൊളംബിയയിലെ സറെയിൽ യുവതിയെ ആക്രമിച്ച കേസിൽ ഇന്ത്യൻ വംശജനെ അറസ്റ്റ് ചെയ്തതായി റിപ്പോർട്ട്. ഓഗസ്റ്റ് 9-ന് സറെയിലെ ബെയർ ക്രീക്ക് പാർക്കിൽ നടന്ന സംഭവുമായി ബന്ധപ്പെട്ട് ജഗേന്ദർ ഖുറാന എന്നയാളാണ് അറസ്റ്റിലായത്. ഇയാൾ പാർക്കിലുണ്ടായിരുന്ന യുവതിയെ കടന്നുപിടിക്കുകയും ലൈംഗികമായി ഉപദ്രവിക്കുകയുമായിരുന്നു.
അതിക്രമത്തിന് ശേഷം സംഭവസ്ഥലത്ത് നിന്നും രക്ഷപ്പെട്ട പ്രതിയെ ഓഗസ്റ്റ് 12-നാണ് അറസ്റ്റ് ചെയ്തത്. സംഭവത്തിന് പിന്നാലെ പോലീസ് അന്വേഷണം ഊർജ്ജിതമാക്കുകയും പ്രതിയുടെ ചിത്രങ്ങൾ പുറത്തുവിട്ട് പൊതുജനങ്ങളുടെ സഹായം തേടുകയും ചെയ്തിരുന്നു. ഇയാൾക്കെതിരെ ലൈംഗികാതിക്രമം അടക്കമുള്ള കുറ്റങ്ങൾ ചുമത്തിയിട്ടുണ്ട്. അന്വേഷണം തുടരുന്നു.
