ആൽബർട്ടയിൽ നിര്യാതനായ മലയാളി യുവാവ് ജിൻ്റോ ജോസിനായി ഗോ ഫണ്ട് സമാഹരണം ആരംഭിച്ചു. ശവസംസ്കാര ചെലവുകൾക്കും കുടുംബത്തെ സഹായിക്കുന്നതിനുമായാണ് ഗോഫണ്ട് സമാഹരിക്കുന്നത്. 2012-ൽ കാനഡയിലെത്തിയ പെരിന്തൽമണ്ണയിലെ മലാപ്പറമ്പ് സ്വദേശിയായ ജിൻ്റോ ആൽബർട്ട ഹെൽത്ത് സർവീസസിൽ ജോലി ചെയ്തുവരികയായിരുന്നു.
ഭാര്യ ജാസ്മിൻ ജിൻ്റോ. മക്കൾ : സാൻ ജോസ് ജിൻ്റോ, സിയ മരിയ ജിൻ്റോ. സൗമ്യമായ പെരുമാറ്റം കൊണ്ടും ക്രിയാത്മക ഇടപെടൽ കൊണ്ടും ശ്രദ്ധേയനായിരുന്നു ജിൻ്റോ. വിവിധ സാമൂഹിക-കാരുണ്യ പ്രവർത്തനങ്ങളിൽ സജീവ സാന്നിധ്യമായിരുന്ന ജിൻ്റോ ആൽബർട്ടയിലെ മലയാളി കമ്മ്യൂണിറ്റിയിൽ ശ്രദ്ധേയനായിരുന്നു.
