ടൊറന്റോ : യുഎസ് വ്യാപാര യുദ്ധം ആരംഭിച്ചത് മുതലുള്ള ആഗോള പ്രതിസന്ധികള്ക്കിടെ രാജ്യം സാമ്പത്തിക മാന്ദ്യത്തിലേക്ക് നീങ്ങുമെന്ന് മുന്നറിയിപ്പുമായി കാനഡയിലെ സാമ്പത്തിക വിദഗ്ധര്.
ടിഡി ബാങ്കിലെ മുന് ഉന്നത സാമ്പത്തിക വിദഗ്ധനായ ഡോണ് ഡ്രമ്മണ്ട് പറയുന്നത് ഇങ്ങനെയാണ്. ‘ചില ഫലങ്ങള് നമ്മള് ഇതിനകം കണ്ടുകഴിഞ്ഞു,’ഫെബ്രുവരിയിലെ തൊഴില് വളര്ച്ച മന്ദഗതിയിലായതും മാര്ച്ചില് 33,000 തൊഴിലവസരങ്ങള് നഷ്ടപ്പെട്ടതും ചൂണ്ടിക്കാട്ടിയാണ് അദ്ദേഹം ഇക്കാര്യം പറഞ്ഞത്. ‘നമുക്ക് ഉണ്ടാകാന് പോകുന്ന ബലഹീനതയുടെ മുന്നോടിയാണിതെന്ന് ഞാന് കരുതുന്നു, പ്രത്യേകിച്ച് ഓട്ടോമൊബൈല് മേഖലയിലാണ് സാമ്പത്തികമാന്ദ്യം രൂക്ഷമാകുന്നത് ‘ ഡോണ് ഡ്രമ്മണ്ട് കൂട്ടിച്ചേര്ത്തു.
ആഗോള സാമ്പത്തിക മാന്ദ്യം കൂടുതല് രൂക്ഷമാകുമെന്നും ഇത് കാനഡയില് വ്യാപക തൊഴില് നഷ്ടത്തിലേക്ക് നയിച്ചേക്കാമെന്നും ഡ്രമ്മണ്ട് ആശങ്ക പ്രകടിപ്പിച്ചു. മാന്ദ്യം പിടിമുറുക്കിയാല് ഒന്റാരിയോയില് മാത്രം അഞ്ച് ലക്ഷത്തോളം തൊഴിലവസരങ്ങള് നഷ്ടപ്പെടുമെന്ന് ഡ്രമ്മണ്ട് മുന്നറിയിപ്പ് നല്കി.
അതേസമയം പരിഹരിക്കപ്പെടാത്ത ഈ വ്യാപാര പ്രശ്നങ്ങള് ദീര്ഘകാല സാമ്പത്തിക മാന്ദ്യത്തിലേക്ക് നയിച്ചേക്കാമെന്നും ഡ്രമ്മണ്ട് അഭിപ്രായപ്പെട്ടു.
