മൂന്ന് മാരിടൈംസ് പ്രവിശ്യകളിലും ഒറ്റരാത്രികൊണ്ട് ഇന്ധനവില കുറഞ്ഞു. നോവസ്കോഷ, ന്യൂബ്രൺസ്വിക്, പ്രിൻസ് എഡ്വേഡ് ഐലൻഡ് പ്രവിശ്യകളിൽ പെട്രോൾ വില കുറഞ്ഞു. നോവസ്കോഷയിൽ ഡീസൽ വില 9.8 സെൻ്റ് വർധിച്ചു. എന്നാൽ, പ്രിൻസ് എഡ്വേഡ് ഐലൻഡിലെ ഡീസൽ വില മാറ്റമില്ലാതെ തുടരുന്നു.

നോവസ്കോഷയിലെ ഹാലിഫാക്സ് മേഖലയിൽ പെട്രോൾ വില ലിറ്ററിന് 2.7 സെൻ്റ് കുറഞ്ഞ് 190.2 സെൻ്റ് ആയി. ഡീസൽ വില ലിറ്ററിന് 9.8 സെൻ്റ് വർധിച്ച് 270.3 സെൻ്റ് ആയി. പ്രവിശ്യയിലെ മറ്റൊരു പ്രധാന നഗരമായ കെയ്പ് ബ്രെറ്റണിൽ പെട്രോളിന്‍റെ കുറഞ്ഞ വില ഇപ്പോൾ ലിറ്ററിന് 192.1 സെൻ്റും, ഡീസലിന്‍റെ വില ലിറ്ററിന് 272.2 സെൻ്റുമാണ്.

പ്രിൻസ് എഡ്വേഡ് ഐലൻഡിൽ (P.E.I.) സാധാരണ പെട്രോളിന്‍റെ വില 5.8 സെൻ്റ് കുറഞ്ഞ്, ലിറ്ററിന് 197.1 സെൻ്റിലെത്തി. ദ്വീപിൽ ഡീസൽ വിലയിൽ മാറ്റമില്ല. കുറഞ്ഞ വില ലിറ്ററിന് 263.6 സെൻ്റ് എന്ന നിലയിൽ തുടരുന്നു.

ന്യൂബ്രൺസ്വിക്കിൽ സാധാരണ പെട്രോളിന്‍റെ വില 3.6 സെൻ്റ് കുറഞ്ഞു. പ്രവിശ്യയിലെ പുതിയ വില ലിറ്ററിന് 191.8 സെൻ്റാണ്. ഡീസൽ വിലയിൽ 0.2 സെൻ്റിൻ്റെ നേരിയ കുറവുണ്ടായി. പുതിയ ഉയർന്ന വില ലിറ്ററിന് 273.4 സെൻ്റാണ്.