മാർച്ച് 5-ന് നടത്തിയ ഏറ്റവും പുതിയ എക്സ്പ്രസ് എൻട്രി നറുക്കെടുപ്പിലൂടെ കൂടുതൽ ഉദ്യോഗാർത്ഥികളെ സ്ഥിരതാമസത്തിനായി (PR) ഇമിഗ്രേഷൻ റെഫ്യൂജീസ് ആൻഡ് സിറ്റിസൺഷിപ് കാനഡ (ഐആർസിസി) ക്ഷണിച്ചു. പുതുതായി ആരംഭിച്ച ‘സീനിയർ മാനേജർ’ എന്ന പ്രത്യേക വിഭാഗത്തിലാണ് ഇത്തവണ നറുക്കെടുപ്പ് നടന്നത്. കാനഡയിൽ പ്രവൃത്തിപരിചയമുള്ള 250 സീനിയർ മാനേജർമാർക്കാണ് ഈ ഘട്ടത്തിൽ ഇൻവിറ്റേഷൻ ടു അപ്ലൈ (ITA) നൽകിയിരിക്കുന്നത്.
ഈ പ്രത്യേക വിഭാഗത്തിൽ തിരഞ്ഞെടുക്കപ്പെടുന്നതിനായി ഉദ്യോഗാർത്ഥികൾക്ക് കുറഞ്ഞത് 429 സി.ആർ.എസ് (CRS) സ്കോർ ആണ് നിശ്ചയിച്ചിരുന്നത്. 2025 ഓഗസ്റ്റ് 19-ന് മുമ്പ് എക്സ്പ്രസ് എൻട്രി പ്രൊഫൈൽ സമർപ്പിച്ചവരെയാണ് ഈ ഡ്രോയിൽ പ്രധാനമായും പരിഗണിച്ചത്. കഴിഞ്ഞ മൂന്ന് വർഷത്തിനിടയിൽ കുറഞ്ഞത് 12 മാസമെങ്കിലും കാനഡയിൽ സീനിയർ മാനേജ്മെന്റ് തസ്തികകളിൽ ജോലി ചെയ്തവർക്കാണ് ഈ വിഭാഗത്തിൽ മുൻഗണന ലഭിക്കുന്നത്. നിർമ്മാണം, ഗതാഗതം, ഉൽപ്പാദനം, ധനകാര്യം, ആരോഗ്യം തുടങ്ങിയ വിവിധ മേഖലകളിലെ മാനേജർമാരെയാണ് ഈ പുതിയ പദ്ധതിയിലൂടെ രാജ്യം ലക്ഷ്യമിടുന്നത്.
