ബെയ്ജിങ്: 10ജി ബ്രോഡ്ബാന്ഡ് നെറ്റ് വര്ക്ക് പരീക്ഷണാടിസ്ഥാനത്തില് നടപ്പാക്കി ചൈന. പത്ത് ജിഗാബൈറ്റ് വരെയാണ് പുതിയ സാങ്കേതികവിദ്യയുടെ വേഗമെന്നാണ് റിപ്പോര്ട്ട്.
ചൈനയിലെ ഷിയോങ് ജില്ലയില് ചൈന 10ജി ബ്രോഡ്ബാന്ഡ് നെറ്റ് വര്ക്ക് പരീക്ഷിക്കാന് തുടങ്ങിയത്. ചൈനീസ് ടെലികോം കമ്പനിയായ വാവേയും ചൈന യൂണികോമും ചേര്ന്ന് 50 ജി-പിഒഎന് സാങ്കേതികവിദ്യ ഉപയോഗിച്ചാണ് 10 ജി ഒരുക്കിയിട്ടുള്ളത്. സെക്കന്ഡില് 10 ജിഗാബൈറ്റ് ആണ് വേഗം. ഫൈബര് ഒപ്ടിക് ടെക്നോളജിയിലെ പുതിയ അവതാരമാണ് 50 ജിഗാബൈറ്റ് പാസീവ് ഒപ്ടിക്കല് നെറ്റ്വര്ക്ക് അഥവാ 50 ജി-പിഒഎന്. സെക്കന്ഡില് 50 ജിഗാബൈറ്റ് വരെ വേഗം ആര്ജിക്കാന് കഴിയുന്ന സാങ്കേതികവിദ്യയാണിത്.
സിനിമ ഡൗണ്ലോഡിങ്ങിനെക്കാള് വെര്ച്വല് റിയാലിറ്റി, ഓഗ്മെന്റഡ് റിയാലിറ്റി, ക്ലൗഡ് ഗെയിമിങ്, സ്മാര്ട്ട് സിറ്റികള്, ഡ്രൈവറില്ലാ കാറുകള് എന്നിങ്ങനെ ഭാവിയെ ലക്ഷ്യമിട്ടുള്ള സൗകര്യങ്ങള്ക്കായാണ് പുതിയ സാങ്കേതികവിദ്യ തയ്യാറാക്കിയിരിക്കുന്നത്.
