വാഷിംഗ്ടൺ : കാനഡ, മെക്സിക്കോ എന്നിവിടങ്ങളിൽ നിന്നുള്ള ഇറക്കുമതിക്കുള്ള 25% താരിഫുകൾ മാർച്ച് 4 മുതൽ തന്നെ എന്ന തീരുമാനത്തിൽ ഉറച്ച് യുഎസ് പ്രസിഡൻ്റ് ഡോണൾഡ് ട്രംപ്. യുഎസ്സിൽ ആയിരക്കണക്കിന് ആളുകളുടെ ജീവൻ അപഹരിച്ച ഫെന്‍റനൈൽ പ്രതിസന്ധിയെക്കുറിച്ച് വർധിച്ചു വരുന്ന ആശങ്കകൾക്കിടയിലാണ് ട്രംപിന്‍റെ തീരുമാനം. അതേസമയം, ഇരുരാജ്യങ്ങൾക്കുമുള്ള താരിഫുകൾ ഏപ്രിൽ 2 മുതൽ പ്രാബല്യത്തിൽ വരുമെന്നാണ് ഇന്നലെ ട്രംപ് പ്രഖ്യാപിച്ചിരുന്നത്. ചൈനയിൽ നിന്നുള്ള ഇറക്കുമതിക്കുള്ള 10% തീരുവ ഇരട്ടിയാക്കാനും പദ്ധതിയുണ്ടെന്ന് ട്രംപ് അറിയിച്ചു.

കാനഡ അതിർത്തി സുരക്ഷ ശക്തിപ്പെടുത്തുന്ന നടപടികൾ പ്രഖ്യാപിച്ചതോടെ എല്ലാ കനേഡിയൻ ഇറക്കുമതികൾക്കുമുള്ള 25% താരിഫ് ഏർപ്പെടുത്താനുള്ള ട്രംപിന്‍റെ എക്സിക്യൂട്ടീവ് ഉത്തരവ് ഫെബ്രുവരി രണ്ടിൽ നിന്നും മാർച്ച് 4 വരെ നീട്ടിയിരുന്നു.