പശ്ചിമേഷ്യൻ യുദ്ധത്തെ തുടർന്ന് കടുത്ത സാമ്പത്തിക പ്രതിസന്ധിക്കിടെ അടിസ്ഥാന പലിശനിരക്ക് 2.25 ശതമാനമായി ബാങ്ക് ഓഫ് കാനഡ നിലനിർത്തി. തുടർച്ചയായി അഞ്ചാം തവണയാണ് സെൻട്രൽ ബാങ്ക് പലിശനിരക്ക് നിലനിർത്തുന്നത്. ബാങ്ക് നിരക്ക് 2.5 ശതമാനവും നിക്ഷേപ നിരക്ക് 2.20 ശതമാനവുമാണ്.
മിഡിൽ ഈസ്റ്റിലെ സംഘർഷം ഇപ്പോൾ നാലാം മാസത്തിലേക്ക് കടന്നതോടെ കാനഡയിലെ സാമ്പത്തിക പ്രതിസന്ധി രൂക്ഷമായതായി ബാങ്ക് ഓഫ് കാനഡ ഗവർണർ ടിഫ് മാക്ലെം പറഞ്ഞു. ഈ പശ്ചാത്തലത്തിലാണ് പലിശ നിരക്ക് 2.25% ആയി നിലനിർത്താൻ ഗവേണിംഗ് കൗൺസിൽ തീരുമാനിച്ചതെന്നും അദ്ദേഹം അറിയിച്ചു.
