കാനഡയിൽ നിന്ന് വേർപിരിയണമെന്ന് ആഗ്രഹിക്കുന്നവരും, തുടരണമെന്ന് ആഗ്രഹിക്കുന്നവരും മത്സരിച്ച് തങ്ങളുടെ അനുയായികളെ പോളിങ് ബൂത്തിൽ എത്തിച്ചതോടെ മുൻ‌കൂർ വോട്ടിങ്ങിന്‍റെ ആദ്യദിനം വൻ പോളിങ്. ഒക്ടോബർ 19-ന് നടക്കുന്ന പ്രധാന വോട്ടിങ് ദിനത്തിന് മുന്നോടിയായി, മുൻ‌കൂർ വോട്ടെടുപ്പിൽ ആദ്യദിനത്തിൽ ആകെ 1,74,532 പേർ വോട്ട് ചെയ്തതായി ഇലക്ഷൻസ് ആൽബർട്ട അറിയിച്ചു. 2023-ലെ പ്രവിശ്യാ പൊതുതിരഞ്ഞെടുപ്പിന്‍റെ മുൻ‌കൂർ വോട്ടെടുപ്പ് ദിവസങ്ങളിൽ ശരാശരി 1,51,727 പേരാണ് വോട്ട് ചെയ്തിരുന്നത്.
‘ഇലക്ഷൻസ് ആൽബർട്ട’ ഇതിനകം അംഗീകരിച്ചിട്ടുള്ള ഏകദേശം 4,18,000 തപാൽ വോട്ടുകൾ (മെയിൽ-ഇൻ ബാലറ്റുകൾ) കൂടി കണക്കിലെടുക്കുമ്പോൾ, ഒക്ടോബർ 19-ലെ റഫറണ്ടത്തിൽ മികച്ച പങ്കാളിത്തം ഉണ്ടാകുമെന്ന് വ്യക്തമാണ്. കാനഡയിൽ നിന്ന് വേർപിരിയുന്നതിനെക്കുറിച്ച് വോട്ടെടുപ്പ് നടത്താനുള്ള നടപടികൾ പ്രവിശ്യ ആരംഭിക്കണോ എന്ന ചോദ്യവും ഈ റഫറണ്ടത്തിൽ ഉൾപ്പെടുന്നു.
വേർപിരിയലിനെ അനുകൂലിക്കുന്നവരും കാനഡയിൽ തുടരണമെന്ന് ആഗ്രഹിക്കുന്നവരും – ഇരു വിഭാഗങ്ങളുടെയും ശ്രദ്ധ ഇപ്പോൾ വോട്ടർമാരെ തങ്ങളുടെ പക്ഷത്തേക്ക് കൊണ്ടുവരുന്നതിൽ നിന്ന് മാറി, തങ്ങളുടെ അനുയായികളെ പോളിങ് ബൂത്തുകളിലെത്തിക്കുന്നതിലേക്ക് കേന്ദ്രീകരിച്ചിരിക്കുകയാണ്.
