ആൽബർട്ടയിലെ അധ്യാപകരുടെ പ്രവിശ്യാതല പണിമുടക്ക് രണ്ടാം ദിവസത്തിലേക്ക് കടന്നു. 51,000 അധ്യാപകർ പങ്കെടുക്കുന്ന സമരം, പ്രവിശ്യയുടെ ചരിത്രത്തിലെ ഏറ്റവും വലിയ തൊഴിലാളി പ്രക്ഷോഭമായി മാറി. 2002-ൽ നടന്ന അവസാനത്തെ അധ്യാപക സമരത്തിൽ 21,000 പേർ മാത്രമാണ് പങ്കെടുത്തത്.
വേതന വർധന, അധ്യാപക-വിദ്യാർത്ഥി അനുപാതത്തിലെ വ്യത്യാസം, തൊഴിൽ സാഹചര്യങ്ങൾ എന്നിവ സംബന്ധിച്ചാണ് തർക്കം. സമരം രണ്ടായിരത്തി അഞ്ഞൂറിലധികം സ്കൂളുകളിലെ 7.4 ലക്ഷത്തിലധികം വിദ്യാർത്ഥികളെയാണ് ബാധിക്കുന്നത്. നാല് വർഷത്തിനുള്ളിൽ 12% വേതന വർധനയും, തിരക്ക് കുറയ്ക്കുന്നതിനായി 3,000 പുതിയ അധ്യാപകരെ നിയമിക്കാമെന്നുമുള്ള പ്രവിശ്യാ സർക്കാരിൻ്റെ അവസാന വാഗ്ദാനം അധ്യാപകർ തള്ളിയിരുന്നു.
