കാൽഗറി-ഷാ പ്രവിശ്യാ ഉപതിരഞ്ഞെടുപ്പിൽ ഇന്ന് മുതൽ മുൻകൂർ വോട്ടെടുപ്പ് ആരംഭിക്കും. സെപ്റ്റംബർ 8 മുതൽ 12 വരെ എല്ലാ ദിവസവും രാവിലെ 9 മുതൽ രാത്രി 8 വരെ 1000 സൺഡാൻസ്, 15 സൺപാർക്ക് പ്ലാസ എസ്.ഇ.യിൽ വോട്ട് രേഖപ്പെടുത്താമെന്ന് ഇലക്ഷൻസ് ആൽബർട്ട വക്താവ് അറിയിച്ചു. സെപ്റ്റംബർ 14 തിങ്കളാഴ്ചയാണ് തിരഞ്ഞെടുപ്പ്.
മെയ് 15 ന് രാജിവച്ച മുൻ യുണൈറ്റഡ് കൺസർവേറ്റീവ് എംഎൽഎ റെബേക്ക ഷുൾസിന് പകരമായി അഞ്ച് സ്ഥാനാർത്ഥികളാണ് മത്സരരംഗത്ത് ഉള്ളത്. മൈക്ക് ഡെറി (യുണൈറ്റഡ് കൺസർവേറ്റീവ്), കൈൽ കാംബെൽ (ന്യൂ ഡെമോക്രാറ്റ്), കൈൽ ജോസഫ് (പ്രോഗ്രസീവ് കൺസർവേറ്റീവ്), ജോൺ റോഗ്ഗീവീൻ (ലിബറൽ പാർട്ടി), റോളി ആഷ്ഡൗൺ (സ്വതന്ത്ര) എന്നിവരാണ് മത്സരരംഗത്തുള്ളത്.
