ടൊറന്റോ: പിയേഴ്‌സണ്‍ എയര്‍പോര്‍ട്ട് ജീവനക്കാരുമായി വാക് തര്‍ക്കത്തില്‍ ഏര്‍പ്പെടുകയും ബഹളം വെക്കുകയും ചെയ്ത ഒരാളെ അറസ്റ്റ് ചെയ്ത് ടൊറന്റോ പൊലീസ്. വ്യാഴാഴ്ച രാത്രി 10:30 ന് ആയിരുന്നു സംഭവം. വിമാനത്തില്‍ ഇരിക്കുകയായിരുന്ന ഇയാള്‍ ജീവനക്കാരോട് മോശം പെരുമാറിയത് കാരണം വിമാനത്തില്‍ നിന്ന് ഇറങ്ങി പോകാന്‍ പൊലീസ് ആവശ്യപ്പെട്ടു. എന്നാല്‍ ഇയാള്‍ വിസമ്മതിച്ചതിനെ തുടര്‍ന്ന് അറസ്റ്റ് ചെയ്യുകയും പൊതുമുതല്‍ നശിപ്പിക്കല്‍, അധികൃതര്‍ ആവശ്യപ്പെട്ടിട്ടും സ്ഥലം വിട്ടുപോകാതിരിക്കല്‍ എന്നീ കുറ്റങ്ങള്‍ ചുമത്തുകയും ചെയ്തു.
സംഭവത്തെക്കുറിച്ച് കൂടുതല്‍ വിവരങ്ങള്‍ അധികൃതര്‍ പുറത്തുവിട്ടിട്ടില്ല. എന്നാല്‍, സംഭവത്തില്‍ ആര്‍ക്കും പരുക്കില്ല.
