ജനുവരിയിൽ എഡ്മിന്റനിൽ വീടുകളുടെ വില കുതിച്ചുയർന്നതായി പുതിയ റിപ്പോർട്ട്. കഴിഞ്ഞ മാസത്തെ അപേക്ഷിച്ച് നഗരത്തിലെ വീടുകളുടെ ശരാശരി വിൽപ്പന വില 412,200 ഡോളറായി ഉയർന്നതായി ratehub.ca റിപ്പോർട്ട് ചെയ്തു. മുന്‍ മാസത്തേക്കാള്‍ 14,800 ഡോളര്‍ കൂടുതലാണ് ഈ നിരക്ക്. കൂടാതെ ഈ കാലയളവിൽ നഗരത്തിൽ വീടുകൾ വാങ്ങാൻ ആവശ്യമായ ശരാശരി വരുമാനത്തിലും വർധന രേഖപ്പെടുത്തി. വീടുകൾ വാങ്ങാനുള്ള ശരാശരി വരുമാനം 2,890 ഡോളര്‍ വര്‍ധിച്ച് 95,150 ഡോളറായതായി ratehub.ca അറിയിച്ചു.