ടൊറൻ്റോ: പിയേഴ്‌സൺ രാജ്യാന്തര വിമാനത്തവളത്തിൽ ഡെൽറ്റ എയർ ലൈൻസ് ജെറ്റ് വിമാനം തകർന്നു വീണുണ്ടായ വിമാന അപകടത്തിൽ പരിക്കേറ്റ 76 യാത്രക്കാർക്കും നഷ്ടപരിഹാരം വാഗ്ദാനം ചെയ്ത് ലൈൻസ്. 30,000 യുഎസ് ഡോളറാണ് നഷ്ടപരിഹാരം നൽകുക.
നഷ്ടപരിഹാരം ലഭ്യമാക്കുന്നതിൽ ഒരു നിബന്ധനകളുമില്ലെന്നും എയർലൈൻ വ്യക്തമാക്കി. തിങ്കളാഴ്ച ഉച്ചകഴിഞ്ഞുണ്ടായ വിമാനപകടത്തിൽ 76 യാത്രക്കാരും നാല് ജീവനക്കാരുമായിരുന്നു ഉണ്ടായിരുന്നത്.
മിനിയാപൊളിസിൽനിന്ന് ടൊറന്റോയിലേക്ക് വരികയായിരുന്ന ബോംബാർഡിയർ സിആർ 900 എന്ന വിമാനം ലാൻഡ് ചെയ്യുമ്പോഴാണ് അപകടമുണ്ടായത്. റൺവെ 26ൽ ക്രാഷ് ലാൻ്റ് ചെയ്ത വിമാനം ശക്തമായ ക്രോസ് വിൻ്റിനെത്തുടർന്ന് തല കീഴായി മറിയുകയായിരുന്നു എന്നാണ് പ്രാഥമിക നിഗമനം. ബുധനാഴ്ച വൈകിട്ടോടെയാണ് വിമാനം റൺവേയിൽ നിന്ന് നീക്കം ചെയ്യാനുള്ള പ്രവർത്തനങ്ങൾ ആരംഭിച്ചത്.
