വാഷിംഗ്ടൺ : ജീവനക്കാരെ ഒഴിവാക്കാൻ ഒരുങ്ങുകയാണ് ഫേസ്ബുക്കിന്റെയും ഇന്സ്റ്റഗ്രാമിന്റെയും മാതൃസ്ഥാപനമായ മെറ്റ. ഏകദേശം മൂവായിരം ജീവനക്കാരെ പിരിച്ചുവിടാനൊരുങ്ങുന്നതായാണ് റിപ്പോർട്ട്. ഇവർക്ക് പകരമായി മെഷീന് ലേണിങ് എന്ജിനീയര്മാരെ ജോലിക്കെടുക്കാനാണ് കമ്പനി പദ്ധതിയിടുന്നത്. ഏഷ്യ, യൂറോപ്പ്, ആഫ്രിക്ക തുടങ്ങിയ ഇടങ്ങളിലെ ജീവനക്കാരെ ആയിരിക്കും പിരിച്ചുവിടൽ ബാധിക്കുക. എന്നാൽ, പ്രാദേശിക തൊഴില് നിയന്ത്രണങ്ങളുള്ളതിനാല് ജര്മനി, ഫ്രാന്സ്, ഇറ്റലി, നെതര്ലന്ഡ്സ് എന്നീ രാജ്യങ്ങളിലെ ജീവനക്കാരെ പിരിച്ചുവിടലിൽ നിന്നും ഒഴിവാക്കിയിട്ടുണ്ട്.
പിരിച്ചുവിടുന്നതുമായി ബന്ധപ്പെട്ട അറിയിപ്പ്, ഫെബ്രുവരി 11-നും 18-നും ഇടയില് ജീവനക്കാര്ക്ക് ലഭിച്ചേക്കുമെന്നാണ് വിവരം. മോശം പ്രകടനം കാഴ്ച വെക്കുന്ന അഞ്ചു ശതമാനം ജീവനക്കാരെ ഒഴിവാക്കാനാണ് ഫെയ്സ്ബുക്ക് ലക്ഷ്യമിടുന്നതെന്ന് കഴിഞ്ഞമാസം കമ്പനി പറഞ്ഞിരുന്നു.
