വാഷിംഗ്ടൺ ഡി സി : ചൈന, ഹോങ്കോങ് എന്നിവിടങ്ങളിൽ നിന്നുമുള്ള പാഴ്സലുകള് ഇനിമുതൽ സ്വീകരിക്കില്ലെന്ന് യുഎസ് പോസ്റ്റല് സര്വീസ് (യുഎസ് പി എസ്). അതേസമയം കത്തുകൾക്ക് നിരോധനം ഇല്ലെന്നും ഏജൻസി വ്യക്തമാക്കി. എന്നാൽ ഇതിനുള്ള കാരണം ഏജൻസി വ്യക്തമാക്കിയിട്ടില്ല.
ചൈനീസ് ഇറക്കുമതിക്ക് 10% അധിക തീരുവ ഈടാക്കുമെന്ന് യുഎസ് പ്രസിഡൻ്റ് ഡോണള്ഡ് ട്രംപ് പ്രഖ്യാപിച്ചിരുന്നു. ഇതിന് പിന്നാലെ ചൈനയും അമേരിക്കന് ഉൽപ്പന്നങ്ങൾക്ക് താരിഫ് ഏർപ്പെടുത്തിയതായി അറിയിച്ചു. ഇതിന് പിന്നാലെയാണ് ഇപ്പോള് യുഎസ് പോസ്റ്റല് സര്വീസിന്റെ നടപടി.
