ആൽബർട്ട റഫറണ്ടത്തിന് ദിവസങ്ങൾ മാത്രം ബാക്കിനിൽക്കെ മുൻ‌കൂർ വോട്ടെടുപ്പിൽ ശക്തമായ ജനപങ്കാളിത്തം. ഒക്ടോബർ 17 വരെ നടക്കുന്ന മുൻ‌കൂർ വോട്ടെടുപ്പിൽ ഇതുവരെ പത്ത് ലക്ഷത്തിലധികം പ്രവിശ്യാ നിവാസികൾ വോട്ട് ചെയ്തതായി ഇലക്ഷൻസ് ആൽബർട്ട അറിയിച്ചു. ഒക്ടോബർ 15-ന് രാത്രി 10:30-ഓടെയാണ് മുൻ‌കൂർ വോട്ടുകളുടെ എണ്ണം പത്ത് ലക്ഷം കടന്നത്. ഒക്ടോബർ 19-ന് റഫറണ്ടം വോട്ടെടുപ്പ് നടക്കും.

മുൻകൂർ വോട്ടെടുപ്പിൻ്റെ ആദ്യ ദിവസം 1,74,532 പേരും, രണ്ടാം ദിവസം 1,86,742 പേരും, മൂന്നാം ദിവസം 1,68,230 പേരും വോട്ട് രേഖപ്പെടുത്തി. ഇതിനുപുറമെ, ഏകദേശം 4,91,000 പ്രത്യേക ബാലറ്റുകളും (special ballots) ഇതിനകം പ്രോസസ്സ് ചെയ്തു കഴിഞ്ഞു. ഇതോടെ ഹിതപരിശോധനയിൽ രേഖപ്പെടുത്തിയ ആകെ വോട്ടുകളുടെ എണ്ണം 10.2 ലക്ഷമായി ഉയർന്നു. ആൽബർട്ടയിൽ വോട്ടവകാശമുള്ള ഏകദേശം 30 ലക്ഷം ആളുകളുടെ മൂന്നിലൊന്ന് ഭാഗമാണിത്.

ആകെ 10 ചോദ്യങ്ങളാണ് റഫറണ്ടത്തിലുള്ളത്. ഇതിൽ അഞ്ച് എണ്ണം നയപരമായ ചോദ്യങ്ങളും, നാലെണ്ണം ഭരണഘടനാപരമായ ചോദ്യങ്ങളുമാണ് . ഭരണഘടനാപരമായ മാറ്റങ്ങളെക്കുറിച്ച് പൊതുജനങ്ങൾക്കിടയിൽ സമ്മിശ്ര പ്രതികരണമാണുള്ളത്.