അൽബെർട്ട പ്രവിശ്യ വേർപിരിയൽ റഫറണ്ടത്തിന് (Separation referendum) ഒരുങ്ങവേ, ഐക്യ കാനഡയ്ക്കുള്ള പിന്തുണ ഉറപ്പാക്കാൻ പ്രധാനമന്ത്രി മാർക്ക് കാർണി ഇന്ന് കാൽഗറിയിലെത്തും.
തിങ്കളാഴ്ച നടക്കുന്ന വോട്ടെടുപ്പിന് മുന്നോടിയായി മുൻ അൽബെർട്ട ഡെപ്യൂട്ടി പ്രീമിയർ തോമസ് ലൂകാസ്സുക്കിന്റെ “ഫോറെവർ കനേഡിയൻ” ഗ്രൂപ്പിന്റെ റാലിയിൽ കാർണി പങ്കെടുക്കും.
അൽബെർട്ട കാനഡയിൽ തന്നെ തുടരണമോ അതോ കോൺഫെഡറേഷനിൽ നിന്ന് പുറത്തുപോകുന്നതിനായി രണ്ടാമതൊരു നിർബന്ധിത വോട്ടെടുപ്പ് നടത്തണമോ എന്നതടക്കം 10 ചോദ്യങ്ങളാണ് പ്രീമിയർ ഡാനിയൽ സ്മിത്ത് ബാലറ്റിൽ ഉൾപ്പെടുത്തിയിരിക്കുന്നത്.
വെള്ളിയാഴ്ച എഡ്മണ്ടണിൽ ലൂകാസ്സുക്കിനൊപ്പം നടക്കുന്ന മറ്റൊരു റാലിയിലും പ്രധാനമന്ത്രി പങ്കെടുക്കും. അന്നേ ദിവസം തന്നെയാണ് കൺസർവേറ്റീവ് നേതാവ് പിയറി പൊയിലീവ്രും സ്മിത്തും കാൽഗറിയിലെ കോൺഫറൻസിൽ സംസാരിക്കുന്നത്.
