ഡാലസ് കൗണ്ടിയിലെ മെസ്കിറ്റിൽ കുടുംബവഴക്കിനെത്തുടർന്നുണ്ടായ വെടിവയ്പ്പിൽ ഒരേ കുടുംബത്തിലെ രണ്ട് കൗമാരക്കാർ കൊല്ലപ്പെടുകയും ഒരാൾക്ക് പരുക്കേൽക്കുകയും ചെയ്തു. മെസ്കിറ്റിലെ ആംബർ സ്പ്രിങ്സ് ഡ്രൈവിൽ ചൊവ്വാഴ്ച അർധരാത്രിയിലാണ് ഈ ദാരുണമായ സംഭവം നടന്നത്.
മുടിവെട്ടുന്നതുമായി ബന്ധപ്പെട്ട് കുടുംബാംഗങ്ങൾ തമ്മിലുണ്ടായ നിസ്സാര തർക്കമാണ് പിന്നീട് വലിയ വെടിവയ്പ്പിൽ കലാശിച്ചത്. ആക്രമണത്തിൽ പരുക്കേറ്റ ഇരുപതുകാരനായ യുവാവിനെ ഉടൻ തന്നെ ആശുപത്രിയിൽ പ്രവേശിപ്പിച്ചെങ്കിലും ഇയാളുടെ പരുക്ക് ഗുരുതരമല്ല. സംഭവത്തിൽ പൊലീസ് അന്വേഷണം ഊർജിതമാക്കിയിട്ടുണ്ടെന്നും കൂടുതൽ വിവരങ്ങൾ ഔദ്യോഗികമായി പിന്നീട് പുറത്തുവിടുമെന്നും അധികൃതർ അറിയിച്ചു.
