ആഡംബര കാർ സമ്മാനമായി നേടുകയെന്ന ലക്ഷ്യത്തോടെ എനർജി ഡ്രിങ്ക് മത്സരത്തിൽ പങ്കെടുത്ത ഇറാഖി ബാലൻ ദാരുണമായി മരണപ്പെട്ടു. ദുൽഫിക്കാർ വലീദ് എന്ന 13 വയസ്സുകാരൻ ചുരുങ്ങിയ സമയത്തിനുള്ളിൽ ഒന്നിനുപുറകെ ഒന്നായി ആറ് ക്യാൻ എനർജി ഡ്രിങ്കുകൾ കുടിക്കുകയായിരുന്നു.
ഇതിനെത്തുടർന്ന് കടുത്ത ശാരീരിക അസ്വസ്ഥതകൾ അനുഭവപ്പെട്ട കുട്ടിയുടെ ആരോഗ്യം പെട്ടെന്ന് തന്നെ വഷളായി. ഉടൻ തന്നെ ആശുപത്രിയിൽ എത്തിച്ച് അടിയന്തര വൈദ്യസഹായം നൽകിയെങ്കിലും ജീവൻ രക്ഷിക്കാനായില്ല. കുട്ടികളിലും കൗമാരക്കാരിലും അമിതമായ അളവിൽ കഫീൻ അടങ്ങിയ പാനീയങ്ങൾ വരുത്തിവെക്കുന്ന ഗുരുതരമായ ആരോഗ്യ അപകടങ്ങളെക്കുറിച്ച് ഈ സംഭവം വലിയ ആശങ്കകളാണ് ഉയർത്തിയിരിക്കുന്നത്.
