ഷിക്കാഗോ സോഷ്യല്‍ ക്ലബ്ബിന്‍റെ പന്ത്രണ്ടാമത് അന്താരാഷ്ട്ര വടംവലി മത്സരത്തിനായി നാടും നഗരവും ഒരുങ്ങി. മത്സരത്തിന്‍റെ സുരക്ഷ ഉറപ്പാക്കുന്നതിനായി വിപുലമായ ഫസ്റ്റ് എയ്ഡ് കമ്മിറ്റിയും സജ്ജമായതായി സംഘാടകർ അറിയിച്ചു. മത്സരത്തിനിടെ ഉണ്ടാകാവുന്ന പരുക്കുകള്‍ക്കും മറ്റു ആരോഗ്യപ്രശ്‌നങ്ങള്‍ക്കും എത്രയും വേഗത്തില്‍ പ്രാഥമിക ചികിത്സയും ആവശ്യമായ പരിചരണവും ഉറപ്പാക്കുകയാണ് കമ്മിറ്റിയുടെ പ്രധാന ലക്ഷ്യം.
അലക്‌സ് പടിഞ്ഞാറേല്‍ ചെയര്‍മാനായ ഫസ്റ്റ് എയ്ഡ് കമ്മിറ്റിയില്‍ ഷിക്കാഗോയിലെആരോഗ്യരംഗത്ത് പ്രവര്‍ത്തിക്കുന്ന നിരവധി പരിചയസമ്പന്നര്‍ അംഗങ്ങളാണ് പ്രവർത്തിക്കുന്നത്. ഫിസിക്കല്‍ തെറാപ്പി, നഴ്‌സിങ്, റെസ്പിറേറ്ററി തെറാപ്പി തുടങ്ങി വിവിധ ആരോഗ്യ മേഖലകളില്‍ പ്രവര്‍ത്തിച്ച് കഴിവ് തെളിയിച്ച പ്രൊഫഷണലുകളാണ് ടീമിന്‍റെ ഭാഗമായിരിക്കുന്നത്. കൂടാതെ ഇത്തവണത്തെ ഫസ്റ്റ് എയ്ഡ് സേവനങ്ങള്‍ക്ക് Hope Home Health Services, Everyday Care Home Care, Quality Physical Therapy എന്നീ സ്ഥാപനങ്ങളുടെ പിന്തുണയും ലഭിക്കും.
