സെൻ്റ് ആൽബർട്ട് മലയാളി അസോസിയേഷൻ (SAMA) സംഘടിപ്പിക്കുന്ന ഓണാഘോഷം ഓഗസ്റ്റ് 29, ശനിയാഴ്ച നടക്കും. രാവിലെ പത്ത് മുതൽ വൈകിട്ട് അഞ്ച് വരെ സെൻ്റ് ആൽബർട്ടിലെ 20 Green Grove Dr-വിലാണ് ആഘോഷപരിപാടികൾ ഒരുക്കിയിരിക്കുന്നത്.
കേരളത്തിന്റെ തനത് ഓണാഘോഷങ്ങളുടെ പാരമ്പര്യവും മലയാളി സംസ്കാരത്തിന്റെ സൗഹൃദവും ഒത്തുചേർന്ന ആഘോഷമായാണ് SAMA ഓണം 2026 ഒരുക്കുന്നത്.
ഓണാഘോഷത്തോടനുബന്ധിച്ച് പൂക്കളം, ഓണസദ്യ, കലാ-സാംസ്കാരിക പരിപാടികൾ തുടങ്ങിയവ ഒരുക്കിയിട്ടുണ്ടെന്ന് സംഘാടകർ അറിയിച്ചു. എല്ലാ മലയാളികളെയും കുടുംബസമേതം ഓണാഘോഷത്തിൽ പങ്കെടുക്കാൻ സെൻ്റ് ആൽബർട്ട് മലയാളി അസോസിയേഷൻ (SAMA) ഭാരവാഹികൾ സ്വാഗതം ചെയ്തു.
