ഇന്തോനേഷ്യയിലെ ഉത്തര സുമാത്രയിൽ ശനിയാഴ്ച ശക്തമായ ഭൂചലനം അനുഭവപ്പെട്ടു. റിക്ടർ സ്കെയിലിൽ 6.4 തീവ്രത രേഖപ്പെടുത്തിയതായി ജർമ്മൻ റിസർച്ച് സെന്റർ ഫോർ ജിയോസയൻസസ് (GFZ) അറിയിച്ചു. ഭുമിക്കടിയിൽ 158 കിലോമീറ്റർ ആഴത്തിലാണ് ഭൂചലനത്തിന്റെ പ്രഭവകേന്ദ്രം.
മറ്റ് പ്രധാന അന്താരാഷ്ട്ര വാർത്തകളിൽ, ഇറാന്റെ അതിർത്തി പ്രദേശമായ ഹോർമുസ് കടലിടുക്ക് ഉടൻ യു.എസ് പ്രദേശമായി പ്രഖ്യാപിക്കുമെന്ന് യു.എസ് പ്രസിഡന്റ് ഡൊണാൾഡ് ട്രംപ് പ്രസ്താവിച്ചു. ഇതോടെ ഇരു രാജ്യങ്ങളും തമ്മിലുള്ള നയതന്ത്ര പിരിമുറുക്കം കൂടുതൽ രൂക്ഷമായിരിക്കുകയാണ്.
അതേസമയം, മധ്യ ഗാസയിലെ ദൈർ അൽ-ബലാഹിൽ ഇസ്രായേൽ നടത്തിയ ഡ്രോൺ ആക്രമണത്തിൽ മൂന്ന് ഫലസ്തീനികൾക്ക് പരിക്കേറ്റതായി വാഫ (Wafa) വാർത്താ ഏജൻസി റിപ്പോർട്ട് ചെയ്തു. ഗുരുതരമായി പരിക്കേറ്റ ഒരാൾ ഉൾപ്പെടെ മൂന്നുപേരെയും ചികിത്സയ്ക്കായി ദൈർ അൽ-ബലാഹിലെ അൽ-അഖ്സ ആശുപത്രിയിൽ പ്രവേശിപ്പിച്ചു.
ദക്ഷിണ ലെബനനിൽ ഇസ്രായേൽ തുടരുന്ന സൈനിക ആക്രമണങ്ങളെ ലെബനീസ് പ്രധാനമന്ത്രി നവാഫ് സലാം ശക്തമായി അപലപിച്ചു. അൻസാർ, ദൈർ എസ്-സഹ്റാനി ഉൾപ്പെടെയുള്ള പ്രദേശങ്ങളിൽ ഇസ്രായേൽ വ്യോമാക്രമണവും ഷെല്ലാക്രമണവും ശക്തമാക്കിയിട്ടുണ്ടെന്നും അൻസാറിലെ ആക്രമണത്തിൽ സ്ത്രീകളും കുട്ടികളും അടക്കം കൊല്ലപ്പെട്ട ഏഴുപേർ സൈനിക കേന്ദ്രങ്ങൾ അല്ലായിരുന്നുവെന്നും വ്യക്തമാക്കിയ അദ്ദേഹം പ്രദേശത്തെ സൈനിക നടപടികൾ നിർത്തിവെക്കാൻ ഇസ്രായേലിനോട് ആവശ്യപ്പെട്ടു.
