പ്രധാനമന്ത്രി മാർക്ക് കാർണിക്കെതിരെ വധഭീഷണി മുഴക്കിയതിന് മോൺട്രിയൽ സ്വദേശിക്കെതിരെ കേസെടുത്തു. സംഭവത്തിൽ 51 വയസ്സുള്ള മാർക്ക് പോർലിയറാണ് അറസ്റ്റിലായത്. ഇയാൾക്കെതിരെ മരണമോ ശാരീരിക ഉപദ്രവമോ ഉണ്ടാക്കുമെന്ന് ഭീഷണിപ്പെടുത്തിയതിന് കുറ്റം ചുമത്തിയതായി ആർ‌സി‌എം‌പി അറിയിച്ചു.
ഒരു സെനറ്റർ അടക്കമുള്ള പ്രമുഖർക്ക് അയച്ച ഇമെയിലിലൂടെയാണ് പ്രതി പ്രധാനമന്ത്രിക്കെതിരെ വധഭീഷണി മുഴക്കിയത്. തുടർന്ന് നടന്ന അന്വേഷണത്തിൽ മാർക്ക് പോർലിയറെ അറസ്റ്റ് ചെയ്തു. വ്യക്തികളുടെ സുരക്ഷയെ ബാധിക്കുന്ന ഇത്തരത്തിലുള്ള വധഭീഷണികൾക്കും പ്രസ്താവനകൾക്കുമെതിരെ കർശ്ശന നടപടി സ്വീകരിക്കുമെന്ന് ആർ‌സി‌എം‌പി വ്യക്തമാക്കി.
