ലയണൽ മെസ്സിയുടെ പിതാവ് ഹോർഹെ മെസ്സി അന്തരിച്ചു. 68 വയസ്സായിരുന്നു. അസുഖങ്ങളെത്തുടർന്ന് ചികിത്സയിലായിരുന്നു അദ്ദേഹം. അർജൻ്റീനൻ സമയം രാത്രി പത്ത് മണിക്ക് റൊസാരിയോയിലെ ക്ലിനിക്കിലായിരുന്നു അന്ത്യമെന്ന് അർജൻ്റീന മാധ്യമമായ ‘ഇൻഫോബേ’ റിപ്പോർട്ട് ചെയ്തു.
ലോകകപ്പിനു ശേഷം പിതാവിനെ കാണാൻ പോകുന്നതിനു വേണ്ടി യുഎസിലെ മേജർ ലീഗ് സോക്കർ മത്സരങ്ങളിൽ നിന്ന് മെസ്സി വിട്ടുനിന്നിരുന്നു. ഹോർഹെ മെസ്സിയുടെ മരണവുമായി ബന്ധപ്പെട്ട് മെസ്സിയും കുടുംബവും ഇതുവരെ പ്രതികരിച്ചിട്ടില്ല.
