ഫെഡറൽ സർക്കാർ അമേരിക്കയുമായി ഒത്തുതീർപ്പിലെത്തിയാലും യുഎസ് ബിയറിനും മദ്യത്തിനുമുള്ള നിരോധനം തുടരുമെന്ന് വ്യക്തമാക്കി ക്യൂബെക്ക് പ്രീമിയർ ക്രിസ്റ്റീൻ ഫ്രെഷെറ്റ്. യുഎസ് ഭരണകൂടം ചില കനേഡിയൻ ഉൽപ്പന്നങ്ങൾക്ക് ഏർപ്പെടുത്തിയ പുതിയ താരിഫുകളുടെ പശ്ചാത്തലത്തിൽ പ്രവിശ്യകൾ ഏർപ്പെടുത്തിയ യുഎസ് മദ്യനിരോധനം പിൻവലിക്കാൻ കാനഡ ആലോചിക്കുന്നുണ്ട്. എന്നാൽ, ക്യൂബെക്ക് നിവാസികളുടെ താൽപ്പര്യങ്ങൾ സംരക്ഷിക്കുന്ന ഒരു കരാർ നിലവിൽ വരുന്നതുവരെ ഫെഡറൽ സർക്കാർ നയം പിന്തുടരില്ലെന്ന് പ്രീമിയർ വ്യക്തമാക്കി.
കാനഡയും യുഎസും ഒപ്പിടാൻ ഒരുങ്ങുന്ന പുതിയ വ്യാപാര കരാറിൽ വാഹനങ്ങളുടെ കൌണ്ടർ-താരിഫ് നീക്കം ചെയ്യലും മദ്യത്തിന്മേലുള്ള പ്രവിശ്യാ നിരോധനവും ഉൾപ്പെടുന്നുണ്ടെന്ന് റിപ്പോർട്ടുകൾ സൂചിപ്പിക്കുന്നു. എന്നാൽ, നടന്നുകൊണ്ടിരിക്കുന്ന വ്യാപാര യുദ്ധത്തിന്‍റെ പശ്ചാത്തലത്തിൽ ക്യൂബെക്ക് ജനതയുടെ താൽപ്പര്യങ്ങൾ സംരക്ഷിക്കേണ്ടത് അത്യാവശ്യമാണ്. പ്രവിശ്യയിൽ അമേരിക്കൻ മദ്യം വീണ്ടും വിൽക്കാൻ ക്യൂബെക്ക് മാത്രമാണ് തീരുമാനമെടുക്കേണ്ടതെന്നും പ്രീമിയർ അറിയിച്ചു.
