ഉപരിപഠനത്തിനായി കാനഡയിലെത്തിയ മലയാളി വിദ്യാർത്ഥി അഭിഷേക് വിജയൻ നായർ നിര്യാതനായി. 28 വയസ്സായിരുന്നു. ഓഗസ്റ്റ് 2 ഞായറാഴ്ച അഭിഷേകിനെ ടൊറൻ്റോ സ്ട്രീറ്റ് കാറിനുള്ളിൽ മരിച്ച നിലയിൽ കണ്ടെത്തുകയായിരുന്നു. കിച്ചനർ കൊണസ്റ്റോഗ കോളേജ് വിദ്യാർത്ഥിയായിരുന്നു അഭിഷേക്. വഡോദര (ഗുജറാത്ത്) സ്വദേശിയായ അഭിഷേക് 2021-ലാണ് കാനഡയിലെത്തിയത്. മരണകാരണം വ്യക്തമല്ല. അന്വേഷണം പുരോഗമിക്കുന്നു.
അഭിഷേക് വിജയൻ നായർക്കായി ഗോഫണ്ട് സമാഹരണം ആരംഭിച്ചിട്ടുണ്ട്. അഭിഷേകിന്‍റെ മൃതദേഹം നാട്ടിലെത്തിക്കുന്നതിനും മാതാപിതാക്കളെ സഹായിക്കുന്നതിനുമായാണ് ഗോഫണ്ട് സമാഹരിക്കുന്നത്. വേൾഡ് മലയാളി കൗൺസിൽ, ഗ്രേറ്റർ ടൊറൻ്റോ & ഹാമിൽട്ടൺ ഏരിയ ചാപ്റ്ററിന്‍റെ നേതൃത്വത്തിലാണ് ഫണ്ട് ശേഖരണം.
