ജൂലൈയിലെ എട്ടാമത്തെ എക്സ്പ്രസ് എൻട്രി നറുക്കെടുപ്പിൽ നാല് അപേക്ഷകർക്ക് ഇൻവിറ്റേഷൻ നൽകിയതായി ഇമിഗ്രേഷൻ, റെഫ്യൂജീസ് ആൻഡ് സിറ്റിസൺഷിപ്പ് കാനഡ (IRCC) അറിയിച്ചു. വിദഗ്ധരായ മുൻ സൈനിക ഉദ്യോഗാർത്ഥികൾക്കായി നടന്ന ഈ നറുക്കെടുപ്പിൽ 368 എന്ന കുറഞ്ഞ സമഗ്ര റാങ്കിംഗ് സിസ്റ്റം (CRS) സ്കോർ ഉള്ളവരെയാണ് പരിഗണിച്ചത്. 2026 ഫെബ്രുവരിയിൽ ഈ കാറ്റഗറി അവതരിപ്പിച്ചതിനുശേഷമുള്ള ആദ്യ നറുക്കെടുപ്പാണിത്. കൂടാതെ ഏറ്റവും കുറഞ്ഞ ഇൻവിറ്റേഷൻ നൽകിയ ഒരു എക്സ്പ്രസ് എൻട്രി നറുക്കെടുപ്പ് എന്ന പ്രത്യേകതയും ഉണ്ട്.
കുറഞ്ഞത് 2 വർഷത്തെ പോസ്റ്റ്-സെക്കൻഡറി വിദ്യാഭ്യാസ യോഗ്യതയുള്ള, അംഗീകൃത വിദേശ സൈന്യത്തിൽ കുറഞ്ഞത് 10 വർഷത്തെ തുടർച്ചയായി സേവനം ചെയ്തവരെയാണ് സ്കിൽഡ് മിലിട്ടറി റിക്രൂട്ട്സ് കാറ്റഗറിയിൽ പരിഗണിക്കുന്നത്. കൂടാതെ അപേക്ഷകർക്ക് കനേഡിയൻ സായുധ സേനയിൽ നിന്ന് കുറഞ്ഞത് 3 വർഷത്തേക്കുള്ള ജോബ് ഓഫറും ഉണ്ടായിരിക്കണം.
കാനഡയുടെ ഇമിഗ്രേഷൻ വകുപ്പ് 2026 ൽ ഇതുവരെ 42 എക്സ്പ്രസ് എൻട്രി നറുക്കെടുപ്പുകൾ നടത്തിയിട്ടുണ്ട്. ഈ നറുക്കെടുപ്പുകളിലൂടെ ആകെ 104,616 ITA-കൾ നൽകിയിട്ടുണ്ട്.
