ജൂലൈയിലെ ആറാമത്തെ എക്സ്പ്രസ് എൻട്രി നറുക്കെടുപ്പിൽ 2,000 അപേക്ഷകർക്ക് ഇൻവിറ്റേഷൻ നൽകിയതായി ഇമിഗ്രേഷൻ, റെഫ്യൂജീസ് ആൻഡ് സിറ്റിസൺഷിപ്പ് കാനഡ (IRCC) അറിയിച്ചു. കനേഡിയൻ എക്സ്പീരിയൻസ് ക്ലാസ് അപേക്ഷകർക്കായി നടത്തിയ ഈ നറുക്കെടുപ്പിൽ കോംപ്രിഹെൻസീവ് റാങ്കിംഗ് സിസ്റ്റം കട്ട്ഓഫ് 516 ആയിരുന്നു. ജൂലൈ 7-ലെ CEC നറുക്കെടുപ്പിലെ 517 എന്ന കട്ട്ഓഫ് സ്‌കോറിൽ നിന്ന് ഒരു പോയിൻ്റ് കുറഞ്ഞതായി ഐആർസിസി വ്യക്തമാക്കി.

ഈ മാസത്തെ രണ്ടാമത്തെ CEC നറുക്കെടുപ്പാണ് ഇന്ന് നടന്നത്. ഇതോടെ ഈ മാസം നടന്ന ആറ് എക്സ്പ്രസ് എൻട്രി നറുക്കെടുപ്പുകളിലൂടെ ആകെ 10,545 പേർക്ക് ഇൻവിറ്റേഷൻ നൽകിയിട്ടുണ്ട്. 2026-ൽ IRCC 40 എക്സ്പ്രസ് എൻട്രി നറുക്കെടുപ്പുകൾ നടത്തിയിട്ടുണ്ട്. ഇതിലൂടെ മൊത്തം 99,612 ITA-കൾ നൽകി.