എയർ കാനഡ തങ്ങളുടെ സാങ്കേതിക പ്രവർത്തനങ്ങൾ, വിമാനത്താവളങ്ങൾ, കാർഗോ, ലോജിസ്റ്റിക്സ്, വിതരണ ജീവനക്കാർ എന്നിവരെ പ്രതിനിധീകരിക്കുന്ന യൂണിയനുമായി താൽക്കാലിക കരാറിൽ എത്തി. കാനഡയിലെ ഏറ്റവും വലിയ എയർലൈനായ എയർ കാനഡയുമായി നാല് വർഷത്തെ കൂട്ടായ കരാറിൽ ഒപ്പിട്ടതായി ഏകദേശം 11,000 IAMAW ജീവനക്കാരെ പ്രതിനിധീകരിക്കുന്ന ഇന്റർനാഷണൽ അസോസിയേഷൻ ഓഫ് മെഷീനിസ്റ്റ്സ് ആൻഡ് എയ്റോസ്പേസ് വർക്കേഴ്സ് യൂണിയൻ അറിയിച്ചു.
കരാറിന്റെ കൂടുതൽ വിവരങ്ങൾ പുറത്തുവിട്ടിട്ടില്ല. എന്നാൽ, കരാർ അംഗീകരിക്കുന്നതിനായി ജീവനക്കാർ വോട്ട് ചെയ്യുമെന്ന് യൂണിയൻ അറിയിച്ചു. വോട്ടെടുപ്പ് വരും ദിവസങ്ങളിൽ നടക്കുമെന്ന് പ്രതീക്ഷിക്കുന്നു. കരാർ ജീവനക്കാർ അംഗീകരിക്കുന്നതോടെ ഏപ്രിൽ 1 മുതൽ മുൻകാല പ്രാബല്യത്തോടെ നടപ്പിൽ വരും. 2030 മാർച്ച് 31 വരെ പ്രാബല്യത്തിൽ തുടരും.
