കാൽഗറിയിലെ മൗണ്ട് റോയൽ യൂണിവേഴ്സിറ്റി (MRU) കഴിഞ്ഞ മാസം നടന്ന സൈബർ ആക്രമണത്തിൽ വിദ്യാർത്ഥികളുടെയും ജീവനക്കാരുടെയും വ്യക്തിഗത വിവരങ്ങൾ അടക്കം ചോർന്നതായി റിപ്പോർട്ട്. കഴിഞ്ഞ മാസം നടന്ന ആക്രമണത്തിൽ സർവകലാശാലയുടെ ഫയൽ സ്റ്റോറേജ് സംവിധാനമായ H ഡ്രൈവിലെ ഫോൾഡറിലേക്ക് ഹാക്കർമാർ ആക്സസ് നേടിയാണ് വിവരങ്ങൾ കൈവശപ്പെടുത്തിയത്. വിവരങ്ങൾ കൈക്കലാക്കിയ ശേഷം തെളിവ് നശിപ്പിക്കാനായി ഇവർ ഡ്രൈവിലെ ഫയലുകൾ ഡിലീറ്റ് ചെയ്യുകയും ചെയ്തു.
ജൂൺ 18-നാണ് സൈബർ ആക്രമണം നടന്നത്. സർവകലാശാലയുടെ ഡിപ്പാർട്ട്മെന്റൽ ഡാറ്റകൾ സൂക്ഷിച്ചിരുന്ന ‘ജെ ഡ്രൈവ്’ ഹാക്കർമാർ നശിപ്പിച്ചിട്ടുണ്ട്. എന്നാൽ, ഈ വിവരങ്ങൾ ചോർത്തുകയോ പകർത്തുകയോ ചെയ്തതിന് തെളിവുകളില്ലെന്ന് അധികൃതർ അറിയിച്ചു. നഷ്ടപ്പെട്ട വിവരങ്ങൾ വീണ്ടെടുക്കാനുള്ള ശ്രമങ്ങൾ തുടരുകയാണ്. എന്നാൽ, വിവരങ്ങൾ പൂർണ്ണമായി തിരിച്ചെടുക്കാൻ സാധിക്കുമോ എന്നത് വ്യക്തമല്ല. സൈബർ ആക്രമണം ബാധിക്കപ്പെട്ട വ്യക്തികളെ ഒരാഴ്ചയ്ക്കുള്ളിൽ സർവകലാശാല നേരിട്ട് വിവരം അറിയിക്കും. നിലവിലെ എല്ലാ ജീവനക്കാർക്കും കഴിഞ്ഞ അഞ്ച് വർഷത്തിനിടെ ജോലി ചെയ്തിരുന്നവർക്കും രണ്ട് വർഷത്തേക്ക് സൗജന്യ ക്രെഡിറ്റ് മോണിറ്ററിംഗ്, ഐഡൻ്റിറ്റി തെഫ്റ്റ് പ്രൊട്ടക്ഷൻ സേവനങ്ങൾ നൽകുമെന്ന് സർവകലാശാല അറിയിച്ചു. സംഭവത്തെക്കുറിച്ച് ആൽബർട്ട ഇൻഫർമേഷൻ ആൻഡ് പ്രൈവസി കമ്മീഷണറെയും പോലീസിനെയും വിവരം അറിയിച്ചിട്ടുണ്ട്.
മുൻകരുതൽ എന്ന നിലയിൽ, നിലവിലുള്ള എല്ലാ ജീവനക്കാർക്കും കഴിഞ്ഞ അഞ്ച് വർഷത്തിനുള്ളിൽ ജോലി ചെയ്തിട്ടുള്ള ഏതൊരാൾക്കും ഇമെയിൽ, ഫിസിക്കൽ മെയിൽ വഴി അയച്ച നിർദ്ദേശങ്ങൾക്കൊപ്പം രണ്ട് വർഷത്തെ ക്രെഡിറ്റ് മോണിറ്ററിംഗും ഐഡന്റിറ്റി മോഷണ പരിരക്ഷയും ലഭിക്കും.
