കേരള അസോസിയേഷന്‍ ഓഫ് ഡാലസിന്‍റെ (KAD) സുവര്‍ണ്ണ ജൂബിലി ആഘോഷവും (1976-2026), അമേരിക്കയുടെ 250-ാം സ്വാതന്ത്ര്യദിന ആഘോഷവും ഇന്ന് നടക്കും. രാവിലെ പത്ത് മണിക്ക് ഗാര്‍ലന്‍ഡിലുള്ള KAD/ICEC (3821 Broadway, Garland TX 75043) ഓഫീസില്‍ പതാക ഉയർത്തുന്നതോടെ ചടങ്ങുകൾക്ക് തുടക്കമാകും.

സ്വാതന്ത്ര്യദിനാഘോഷത്തിലും ഡാലസ് കേരള അസോസിയേഷൻ സുവര്‍ണ്ണ ജൂബിലി ആഘോഷത്തിലും സുഹൃത്തുക്കളെയും കുടുംബാംഗങ്ങളെയും സ്‌നേഹപൂര്‍വ്വം സ്വാഗതം ചെയ്യുന്നതായി സംഘാടകര്‍ അറിയിച്ചു. ചടങ്ങിനോടനുബന്ധിച്ച് ലഘുഭക്ഷണവും ക്രമീകരിച്ചിട്ടുണ്ട്.