ജൂലൈയിലെ ആദ്യ വാരാന്ത്യത്തിലേക്ക് അടുക്കുമ്പോൾ ടൊറൻ്റോയിലും ജിടിഎയിലും കൊടുംചൂട് തുടരുന്നു. ഇരുനഗരങ്ങളിലെയും താപനില 34 ഡിഗ്രി സെൽഷ്യസ് വരെ എത്തുമെന്ന് എൻവയൺമെൻ്റ് കാനഡ മുന്നറിയിപ്പ് നൽകി. എന്നാൽ, ഈർപ്പത്തിനൊപ്പം താപനില 44 ഡിഗ്രി സെൽഷ്യസ് വരെ അനുഭവപ്പെടും.
കടുത്ത ചൂട് ശനിയാഴ്ച വരെ തുടരുമെന്ന് കാലാവസ്ഥാ ഏജൻസി പ്രവചിക്കുന്നു. എന്നാൽ ഞായറാഴ്ച ചൂടും ഈർപ്പവും കുറയുമെന്നും പ്രതീക്ഷിക്കുന്നു. ശനിയാഴ്ച ഉയർന്ന താപനില 30 ഡിഗ്രി സെൽഷ്യസായിരിക്കും. എന്നാൽ, ഈർപ്പത്തിനൊപ്പം 41 ഡിഗ്രി സെൽഷ്യസായി അനുഭവപ്പെടും. ഞായറാഴ്ച മിക്കവാറും മേഘാവൃതമായിരിക്കുമെന്നും മഴ പെയ്യുമെന്നുമാണ് കാലാവസ്ഥാ പ്രവചനം. താപനില 26 ഡിഗ്രി സെൽഷ്യസ് വരെ ആകാൻ സാധ്യതയുണ്ട്.
