നോര്ത്ത് ടെക്സസില് കനത്ത മഴയെ തുടർന്ന് മിന്നല് പ്രളയമുന്നറിയിപ്പ് നൽകി. ശക്തമായ ഇടിമിന്നലിനൊപ്പം പെയ്ത കനത്ത മഴയിൽ നഗരത്തിലെ ഗതാഗതം പൂർണ്ണമായി സ്തംഭിച്ചു. മോശം കാലാവസ്ഥയെ തുടര്ന്ന് മേഖലയിലെ നാല്പ്പതിനായിരത്തിലധികം വീടുകളിലും സ്ഥാപനങ്ങളിലും വൈദ്യുതി പൂര്ണ്ണമായി വിച്ഛേദിക്കപ്പെട്ടു.
അതിശക്തമായ കാറ്റിനെ തുടർന്ന് ഡാലസ്-ഫോര്ട്ട് വര്ത്ത് ഇന്റര്നാഷണല് എയര്പോർട്ട്, ഡാലസ് ലവ് ഫീല്ഡ് പ്രധാന വിമാനത്താവളങ്ങളിലെ സര്വീസുകളേയും ബാധിച്ചു. നാനൂറിലധികം വിമാന സര്വീസുകള് പൂര്ണ്ണമായി റദ്ദാക്കി. പതിനായിരക്കണക്കിന് യാത്രക്കാരാണ് ഇതോടെ വിമാനത്താവളങ്ങളില് കുടുങ്ങിയത്.
