ടൊറൻ്റോ സർവ്വകലാശാലയുടെ സ്കാർബറോ ക്യാമ്പസിൽ നടന്ന വെടിവെപ്പുമായി ബന്ധപ്പെട്ട് പരോളിലിറങ്ങിയ ഒരാൾക്കെതിരെ പോലീസ് കുറ്റപത്രം സമർപ്പിച്ചു. വെടിവെയ്പിൽ 20 വയസ്സുള്ള ശിവാങ്ക് ആവസ്തി എന്ന വിദേശ വിദ്യാർത്ഥി കൊല്ലപ്പെട്ടിരുന്നു. കേസിൽ അന്വേഷണം പുരോഗമിക്കുകയാണ്. Babatunde Afuwape എന്നാണ് അറസ്റ്റിലായ ആളുടെ പേര്.

കഴിഞ്ഞ ഡിസംബർ 14-നാണ് വെടിവെപ്പ് നടന്നത്. ക്യാമ്പസിലെ താമസസ്ഥലത്തിന് സമീപമാണ് വെടിയേറ്റ നിലയിൽ വിദ്യാർത്ഥിയെ കണ്ടെത്തിയത്. ഉടൻ തന്നെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. 33 വയസ്സുള്ള ഒരാളെയാണ് പോലീസ് പ്രതിയായി തിരിച്ചറിഞ്ഞിരിക്കുന്നത്. മുൻപ് ചെയ്ത കുറ്റകൃത്യങ്ങൾക്ക് ശിക്ഷ അനുഭവിക്കുന്നതിനിടെ പരോളിലിറങ്ങിയതായിരുന്നു ഇയാൾ. ഇയാളെ അറസ്റ്റ് ചെയ്ത പോലീസ് ‘സെക്കൻഡ് ഡിഗ്രി മർഡർ’ നിയമവിരുദ്ധമായി ആയുധം കൈവശം വയ്ക്കൽ എന്നീ കുറ്റങ്ങൾ ചുമത്തിയിട്ടുണ്ട്.

പരോളിലിറങ്ങിയ ഒരാൾക്ക് എങ്ങനെ തോക്ക് ലഭിച്ചു എന്നത് അധികൃതർ ഗൗരവത്തോടെയാണ് കാണുന്നത്. ഈ സംഭവം പരോളിലിറങ്ങുന്നവരുടെ നിരീക്ഷണത്തെക്കുറിച്ചും ക്യാമ്പസുകളുടെ സുരക്ഷയെക്കുറിച്ചും വലിയ ആശങ്കകൾക്ക് കാരണമായിട്ടുണ്ട്. കേസിൽ അന്വേഷണം പുരോഗമിക്കുകയാണ്. ഇതുമായി ബന്ധപ്പെട്ട് എന്തെങ്കിലും വിവരങ്ങൾ അറിയാവുന്നവർ പോലീസിനെ അറിയിക്കണമെന്ന് അധികൃതർ അഭ്യർത്ഥിച്ചു.